سەرۆک وەزیرێن ئەرمەنستانێ دەست ژ کارکێشا
نیکۆل پاشینیان سەرۆک وەزیرێن ئەرمەنستانێ دیار کر، وی و هەموو ئەندامێن کابینا حوکمەتێ دەست ژ کارکێشانا خوە پێشکێشی سەرۆک کۆماری کرینە و ژ ئالیێ سەرۆک کۆمارێ ئەرمەنستانێ ڤە دەست ژ کارکێشانا وان هاتیە قەبوول کرن و نها کار بۆ پێکئینانا کابینا نوو یا حوکمەتێ دهێتە کرن.
ناڤهاتی بۆ دەزگەهێن راگەهاندێ دیار کر، وی بەری نها دیار کربوو کو دێ ل رۆژا ٢ مەها هەشت کابینا حوکمەتا وی دەست ژ کارکێشانا خوە ب فەرمی راگەهینیت و پاشی ژی بێگومان دێ کابینەیەکا دی یا حوکمەتێ هێتە ئاڤاکرن.
چاڤدێرێن سیاسی دیار دکەن هەرچەندە د هەلبژارتنێن هەری دووماهیێ ل ئەرمەنستانێ دا پارتا نیکۆل پاشینیان شیا نێزیکی ٥٠٪ ژ دەنگان بدەستڤە بینیت و بوو پارتا ئێکێ ل ئەرمەنستانێ، لێ سەرۆک وەزیرێن ئەرمەنستانێ حەز دکەت گوهۆڕین د ئاستێ حوکمەتێ دا بهێنە کرن و ژ بەر ڤێ یەکێ ژی بەری نها دیار کربوو دێ دەست ژ کارکێشانا خوە پێشکێشی سەرۆک کۆماری کەت.
