ژینگەها كێلیا شەدایێ
بێوار حەمدی
وەكو دیار كوردستانامە یا جوان ورەنگین ب چیا و دۆل و نهالێن خوە یا جوان و بەرنیاسە، چیا هەڤالێن مەنە و بەشەكێ گرنگ و بهێزن ژهێمایێن وەلاتێ مە، كێلیا شەدایێ ژی ئەم هەموو دزانین كو ئێك ژوان چیایێن گەشتیاری و خۆشە و ڕۆژانە خەلكەك سەرەدانا وێ دكەت و زێدەباری گەشتیار ژی ژچوونا كێلیا شەدایێ دبێ بەهرنینن، وەلات ب ژینگەها خوەیا جوان وپاقژ دهێنە نیاسین وڕێزلێنان، من باوەرە كەسەك ژمە نینە هەكە بو جارەكێ ژی بیت سەرەدانا كێلیا شەدایێ نەكربیت، ب مخابنی ڤە ئەو كەسێن پێدڤیێن خوە یێن خوارنێ دگەل خودبەن بەرمایكێن خوە ژی ل پاش خو دهێلن، جارێ بلا هەر كەسەك ژمە هزرا خوە دوێ چەندێ دابكەت، ئەرێ ئەم مالێن خوە هوسا پیس دكەین؟ ئەرێ د ئارامین دەمێ دبینن گلێشەكێ بچەوك ژی ل بەر پێن مەیە یان هەتا ل دەوروبەرێن خانی؟ گەلو ماچ جیاوازیا مالا مە دگەل ژینگەها مە هەیە؟ ما هەر ژ بچووكاتیێ ئەم وەسا نەهاتینە فێركرن و هاندان كو ژینگەه ژی مالامەیە و پاراستنا وێ ئەركێ مەهەموویانە، ئەم ب زەحمەت ب سەر چیای دكەڤین، لێ ب ساناهیتر دهێینە خوارێ، دێ چەند یا جوان بیت گو ئەڤرۆ هەركەسەك ژمە پشتی ژ گەشتا خوە یا چیای ب دووماهی دهێت هندەك ژوان بەرمایكان دگەل خوە بینت، یان دێ چەند جوانتر بیت كو ئەم وێ ڕەوشەنبیریێ ل دەف خۆ پەیدابكەین كو هەر دبنەرەت دا نابیت ئەم بەرمایكان ل وێرێ بهێلین، ب راستی یا پێدڤی یە ل سەر ملێن سەرۆكاتیا باژێرڤانیێ ژی كو رێكەكێ ژبۆ پاقژیا كێلیا شەدایێ ڤەبینن، یان هەر چ نەبیت هندەك زەرفێن گلێشی یێن مەزن ل وێرێ بهێلن، نێ سوباهی ئەو جهە دێ پتر بیتە جهەكێ گەشتیاری ژبۆمە و گەشتیاران، هەكە ئەم نەشێین گلێشەكێ بچووك راكەین پادێ چەوا شێین وان جهێن گەشتیاری هەموویان پاقژكەین؟ لەوما گەلەك یا گرنگە و تاكە رێك ژبوو پاقژیا ڤی جهی ئەوە كو ئەم خۆ فێری رەوشەنبیریا پاقژیێ بكەین و هەرئێك ل دەف خوە ژینگەهێ ب مالا خۆ بدانیت.
