دڤێت ئەمریکا ئۆپۆزسیۆنا ئیرانێ چەکدار بکەت
مایک پۆمپیۆ وەزیرێ دەرڤە یێ بەرێ یێ ئەمریکا دیار کر، ستراتیژیا ئەمریکا یا ل هەمبەر ئیرانێ هەتا نها سەرکەفتی نەبوویە و هەکە ترامپی بڤێت رژێما نها یا ئیرانێ ژناڤ ببەت وی دەمی دڤێت ئەمریکا هێزێن ئۆپۆزسیۆنێ یێن ئیرانێ چەکدار بکەت، چونکی تنێ ئەمریکا وەسا دشێت رژێما ئیرانێ ژناڤ ببەت و هەتا ئەو یەک نەهێتە کرن بزاڤێن ل دژی ئیرانێ دێ بێی ئەنجام بن.
ناڤهاتی ئەو یەک ژی دیار کر، گەلەک هێز ل ئیرانێ هەنە کو بەرهەڤن ل دژی رژێما ئیرانێ شەڕی بکەن و دڤێت ئەمریکا وان چەکدار بکەت، لێ مخابن هەتا نها تشتەک وەسا د ستراتیژیا ئەمریکا دا نینە و گۆت: (بابەتێ دەرتەنگا هورمزێ ژی گەلەک مەترسیدارە، دڤێت ئەمریکا د زووترین دەم دا بابەتێ دەرتەنگا هورمزێ ئێکلا بکەت، هەکە دەرتەنگا هورمزێ هەر یا دائێخسی بیت دێ کاریگەریا وێ یا خراب ل سەر ئابوورێ هەموو جیهانێ هەبیت و دۆرپێچا دەریایی یا ل هەمبەر ئیرانێ ب تنێ بەس نینە).