ل گوندێ هەرنێ رووبەرەكێ مەزن یێ سماقێ سـۆت و زیان گەهشتە جـۆتیاران
رەمەزان زەكەریا:
ل گوندێ هەرنێ ژ ئەگەرەكێ نەدیار ئاگرەكێ مەزن بەربوو زەڤیێن سماقێ، ب ڤێ چەندێ رووبەرەكێ مەزن یێ رەزێن سماقێ، ئەوێن هاتینە چنین و ئەوێن نەهاتینە چنین ب تەمامی سۆتن و زیانێن زۆر مەزن یێن ئابووری گەهشتنە جۆتیاران.
ل گۆرەی پێزانینان، ل دەمێ بەربوونا ئاگری بایەكێ ب هێز هاتبوو، ئەو ژی بوویە ئەگەر ئاگر د دەمەكێ د كێم دا گەشێ بكەت و رووبەرەكێ بەفرەه ب سۆژیت.
سەرەڕای پشكداریا بلەز یا تیمێن بەرگریا شارستانی یا بلێ، پێشمەرگەیێن ژینگەهێ و خودانێن رەزان د ڤەمراندنا ئاگری دا، بەلێ ئاگری زیانێن ماددی یێن زۆر گەهاندنە جۆتیاران.
