زاڕۆیەكێ 12 سالی ل زاخۆ د هێرشەكا سەیێن بەردای دا گیانێ خوە ژ دەست دا
زاخۆ، دلۆڤان هالۆ:
ل ناوچەداریا دەركارێ یا سەر ب ئیدارەیا سەربخوە یا زاخۆ ڤە، زاڕۆیەكێ 12 سالی بناڤێ (داود سەبری) ژ ئەگەرێ ڕوودانەكا هێرشا سەیێن بەردای و پشتی 18 رۆژان مایە د نەخوەشخانەیێ دا، دوهی 23/8/2026 گیانێ خوە ژ دەست دا.
زاڕۆكێ ناڤهاتی بەری 18 ڕۆژان د ڕوودانەكا هێرشكرنا سەیێن بەردای دا ب گرانی بریندار ببوو و هاتبوو ڤەگوهاستن بۆ پشكا چاڤدێریا چڕ ل نەخوەشخانەیا هیڤی یا زاڕۆكان ل پارێزگەها دهۆكێ، لێ پشتی هەڤڕكیەكا دژوار ل گەل برینێن خوە یێن گران، دوهی گیانێ خوە ژ دەست دا.
پێشتر ژی ژ ئەگەرێ هێرشا سەیێن بەردای چەندین زاڕۆك ل سنۆرێ ئیدارەیا سەربخوە یا زاخۆ برینداربووینە، ژ بەركو هێشتا چو چارەسەری ل ڤان سەیێن بەردای نەهاتیە كرن و بووینە مەترسی ل سەر ژیانا زاڕۆكێن زاخۆ، ب تایبەت ل دانێ سپیدەهیان دەمێ چوونا وان بۆ قوتابخانەیێ.
