خەلكێ دهۆكێ تشتێ باش دنیاسیت
سندس سالح سلێڤانەیی
غسنفەر، كو خەلكێ وەلاتێ (پاكستانێ) یە و ئێك ژ پشكدارێن فەستیڤالا چارێ یا بازاڕگەڕییا وەلاتێ (مسرێ) بوو، ئەوا بەری چەند رۆژان ل دهۆكێ ب دووماهی هاتی، د دیدارەكێ دا بۆ رۆژنامەیا ئەڤرۆ گۆت: ئەڤە جارا ئێكێ یە ئەز دهێمە پارێزگەها دهۆكێ و پشكداریێ دڤێ فێستیڤالێ دا دكەم، بەری نوكە ئەز هاتبوو هەولێرێ و چەند پارێزگەهێن عیراقێ، لێ ئەڤە جارا ئێكێ یە دهۆكێ دبینم و فێستیڤال گەلەكا رێكوپێك بوو، هەروەسا هەتا ڕادەیەكی فرۆتن ژی یا باش بوو، ئەڤە چەندە دبیتە ئەگەر كو سالێن بهێن ژی بهێم پشكداریێ بكەم.
هەروەسا گۆت: پشكداریا من دڤێ فیستەڤالێ دا ب هندەك كارێن دەستی و (ئێكسسواراتان) بوو، كو هەموو ل وەلاتێ من هاتینە چێكرن و مەرەما من ژڤێ پشكداریێ ئەو بوو ئەز كلتوورێ وەلاتێ خۆ نیشا خەلكێ كوردستانێ، ب تایبەت ژی یێ پارێزگەها دهۆكێ بدەم و من دیت كو بكڕ دمشەنە و خەلكێ دهۆكێ تشتێ باش دنیاسن، هەروەسا گەلەك رێز ژی ل مە دگرتن و مە هەستپێكر ئەم یێ ل وەلاتێ خۆ.
