حەز ژ وان سترانان دكەم یێن كو دەربڕینێ ژ هەست و سۆزان دكەن
بێوارحەمدی
سترانبێژ (سەرهاد نعمەت) كو ئەڤە شەش سالن سترانان دبێژیت و نوكە ل وەلاتێ (ئەلمانیا) دژیت: د دیدارەكێ دا بۆ رۆژنامەیا ئەڤرۆ گۆت: هەتا نوكە من كلیپەك ب ناڤێ (لێ گولێ) بەلاڤكریە و چەند ستران و كلپێن دی ژی ل بەر دەست هەنە و من دڤێت گرنگیێ بدەمە كلتوورێ شنگالێ و پتریا سترانێن ئەز دبێژم ئەڤینی نە و ئەز حەزژ وان سترانان دكەم یێن كو دەربڕینێ ژ هەست و سوزان دكەن.
هەروەسا گۆت: هندەك جاران ئەز دچمە ئاهەنگ و شەهیانان ل دەرڤەی وەلاتی و من دڤێت بڤێ رێكێ خزمەتا هونەرێ كوردی بكەم و هەردەم ئەز دبێژم ژیان یا ژ دەرڤەی وەلاتی یا ب زەحمەتە و نوكە ئەز مژوولی تۆماركرنا دو سترانێن نوومە و من ل بەرە بەری سەرێ سالێ بەلاڤ بكەم.
