تیپا هونەرێن مللی یا هەولێرێ چوو پۆلەندا
رەمەزان زەكەریا
تیپا هونەرێن مللی یا هەولێرێ ب نوونەراتیا كەلەپوور و فۆلكلۆرێ كوردی، پشكداری د فێستەڤالا نێڤدەولەتییا فۆلكلۆری یا ڤیسوولا دا دكەت، كۆ ل باژێرێ پۆڵۆك ل وەلاتێ پۆلەندا هێتە ئەنجامدان.
سیروان عوسمان، ڕێڤەبەرێ گشتی یێ ڕۆشنبیری و هونەری ل هەولێرێ بۆ ئەڤرۆ گۆت: كۆ تیپ دێ ب پێشكێشكرنا دیلان، مۆزیكا نەریتی، ستران، جلكێن كوردی و هەلگرتنا ئالایێ كوردستانێ، وێنەیەكێ زیندی ژ ژیانا جڤاكی و كەلەپوورێ كوردستانی گەهینیتە بینەران و ولاتێن پشكدار. گۆتژی: ئەڤ پشكداریكرنە دەلیڤەیەكا گرنگە بۆ ڤەگۆهاستن و ناساندنا كلتوور و مێژوویا كوردی ل پلاتفۆرمەكا جیهانی فەستیڤالا ڤیسوولا كلتوور و هونەرێن جودا یێن وەلاتان كۆم دكەتە و دەلیڤەیا گوهۆڕینا ئەزموونان دروست دكەت.
