د. بەهزاد سالح: ئەو کێماسییێن پەیدابووین دێ بۆ خولا ئیراقێ چارەسەرکەین
شاهۆ فەرید
د دیدارەکێ دا د.بەهزاد سالح سەرۆکێ یانەیا پیرس بۆ رۆژنامەیا ئەڤرۆ دیارکر پشکدارییا تیما وان د خولا پلا دو یا کوردستانێ دا دەلیڤەیەکا باش دا یاریزانێن کوڕێن باژێری کو باوەریێ بدەنە خوە بۆ خولا پلا دو و ئەو کێماسیێن دناڤا تیمێ دا پەیدابووین بۆ یا ئیراقێ دێ هێنە چارەسەرکرن.
زێدەتر ناڤهاتی گۆت: ئەم دێ بزاڤێ کەین تیما خوە باشتر بکەین، یاریزانیێن مە ژی هێشتا شارەزایا وانا کێمە دناڤا خول و قارەمانیان دا، مە هێشتا هزر ل سەر وێ چەندێ نەکریە یاریزانیێن بیانی بۆ ناڤ تیمێ بینین، گرنگیا مە هەمی ل سەر یاریزانێ مە یێ ئەکادیمیێ یە سەربێخین بۆ تیما رێزا ئیکێ، چۆنکو پتر حەقێ وانا یە رێکی ب دەینێ یاریێ بکەن، بۆ خولا پلە دویێ یا ئیراقێ ژی دێ بزاڤێ کەین شاشی و کێماسیێن تیمێ راستڤەکەین، ڕاهێنەرێن مە دێ یێن یانەیێ بخوەبن.
سەرۆکێ یانەیا پیرس گۆت ژی: ئەم پشت بەستنێ ل سەر یاریزان و ڕاهێنەرێ ناڤخوەیی دکەین، مە چاڤ ل هندێ نینە کۆ ئیکێ ژ دەرڤە بینین، ئەگەر ئەو ڕاهێنەرێن نوکە نەشیان بەردەوام ژی بن دێ هەر پێگهوریێن وانا ژ یانەیێ خوەبن، ئەم پالپشتیا یێ ناڤخوەیێ دکەین هەر ژ کاراکرنا یانەیا پیرس مە سۆز دایە پشتبەستنێ دەینە یاریزان و ڕاهێنەریێن خومالی.
