كار ل سەر پرۆژەیێ رێكا دهۆك بۆ باعەدرێ گەهشتە ٨٠٪
دیدار، دلۆڤان ئاكرەیی:
ڕێڤەبەرا ڕێك و پڕان ل پارێزگەها دهۆكێ دیار كر، كار ل سەر پرۆژەیێ ستراتیژی یێ جووتسایدێ دهۆك بۆ باعەدرێ بەردەوامە و قوناغێن باش بڕینە و د نوكە دا رێژەیا كاری ل سەر ڤی پرۆژەی گەهشتیە ٨٠٪.
ئەندازیار خەدیجە مەحەمەد، ڕێڤەبەرا ڕێك و پڕان ل پارێزگەها دهۆكێ گۆت: درێژاهیا ڕێیا جووتسایدێ دهۆك بۆ باعەدرێ 26 بۆ 27 كیلومترانە و هەردو ئالییێن ڕێكێ دگرتە خۆ و د پرۆژەی دا نێزیكی 10 پڕ و بنپرد (Overpasses & Underpasses) ل سەر ڤێ ڕێكێ هەنە و دهێنە چێكرن و ڕێك دو ئالییە، هەر ئالییەك ژ دو ڕێڕەوان بۆ هاتنووچوونا ترۆمبێلان پێكدهێت، سەرەرای هەبوونا شانێن ڕێكێ ژ هەردو ئالییان ڤە.
ل دۆر هەبوونا ئاستەنگان درێیا پرۆژەیی دا ئاشكرا كر: ڕێیا ڤی پرۆژەی دناڤ دەڤەرەكا چیایی دایە و هەبوونا كەڤڕێن مەزن و سەختیا ڕاكرن و بڕینا وان دەم بوو دڤێت، لەوما بۆ چارەسەركرنا ڤان ئاستەنگان نێزیكی 7 كیلومتران دیوارێن پالپشت دێ هێنە چێكرن، پشكەكا مەزن یا ڤی پڕۆژەی پێكهاتییە ژ كارێن بڕینێ و پێكهاتەیێن گشتی یێن ڤێ پرۆژەیێ ستراتیژی پێكدهێت ژ چێكرنا تونێلێن دەستكرد، كەنار، چارەسەركرنا ناچارەیێن، دهێنە د ڕێیا پرۆژەی دا زێدەباری چێكرنا پێنج پڕان ل سەر ڕێكا ڤی پرۆژەی و چێكرنا پڕەكا مەزن ل سەنتەرێ باژێڕێ، كو نێزیكی 300 مەترانە، چێكرنا دیۆارێن پالپشت یێن كونكرێتی بۆ پاراستنا گیانێ وەلاتیان و رێكێ ل بەر وەرزێ زڤستانێ.
سەبارەت ب قۆناغێن كاركرنێ و پێشبینیێن تەمام بوونا پرۆژەی دیاركر، قۆناغا ئێكێ ب دووماهیك هاتیە و قۆناغا دووێ، كار ل سەر چێكرنا جووتسایدێ وێ ب تەمامی هاتییە ب دووماهیك ئینان و سایدەكێ وێ ب تەمامی هاتیە قێركرن و سایدێ دووێ ژی دەست پێ كریە و پێشبینی دهێتەكرن ل ماوەیەكێ نێزیك كار ل سەر سایدێ دوویێ ل قوناغا دوویێ ب دووماهیك بهێت.
