دەشتی كەلهوڕی داخوازەكێ ژ خەلكێ (خانقین)ێ دكەت
زنار تۆڤی:
هونەرمەند (دەشتی كەلهۆری) دەست ب ئامادەكرنا سترانەكێ كریە كو یا تایبەت ب باژێرێ خانقین ڤە و داخوازێ ژ خەلكێ وی باژێری دكەت، بۆ دەولەمەندكرنا كلیپا وی وێنەبێن دیرۆكی و كەلتووری یێن وی باژێری بۆ وی فرێكەن.
كەلهۆری گۆت: نوكە ئەز مژوولی ئامادەكرنا سرودەكا نیشتمانی مە بۆ باژێرێ خانقین، كو ئەڤ كارێ من بزاڤەكە بۆ پاراستن و نیشادانا دیمۆگرافی، ناسنامە و كلتوورێ رەسەن یێ ڤی باژێرێ كوردان، بۆ چێكرنا ڤێ كلیپێ ئەز داخوازێ ژ خەلكێ خانقین دكەم، هەر وێنەكێ جوان و ب كوالێتی و یێ باش وان هەبیت، كو دەربڕینێ ژ جوانیا وی باژێری بكەت، بلا بۆ من فرێكەن،ب تایبەتی ژی هە كە وێنەیێن دەوات و هەلكەفتێن جڤاكی بن ل خانەقین، یان ژی وێنەێن دابونەریتێن كەڤن و رێورەسمێن جەژنا نەورۆزێ بن، یان ژی وێنەێن جلكێن رەسەن و كلتووری یێن خانقین بن و دشێن وێنەیان ب رێیا ئەكاوەنتێ من بهنێرن، هەروەسا پشكداریا خەلكی د ڤی پرۆژەیی دا گەلەك گرنگیا خۆ هەیە، بۆ هندێ داكو ئەم بشێین ناسنامە خانقین ب جوانترین رەنگ نیشا خەلكی بدەین.
