بەلگە فلمەكێ كوردی ل هندستانێ بزاڤا وەرگرتنا خەلاتی دكەت
رەمەزان زەكەریا
بەلگە فلمێ (ژیان دوای ئازادی) ژ دەرهێنانا (شەمال حسێن) ل خولا 16 یا فێستیڤالا نێڤدەولەتییا ئەحمەد ئاباد د وەلاتێ هندستانێ دا كاندیدە بۆ ب دەستڤەئینانا خەلاتان.
دەرهێنەرێ وی بەلگە فلمی، بۆ رۆژنامەیا ئەڤرۆ گۆت: ئەڤ بەلگە فلمە 22 خولەكن و چیرۆكەكا مرۆڤایەتییا كاریگەر ل سەر ژیانا گەنجێن كوردێن ئێزدی پشتی ڕزگاربوونا وان ل ژێر دەستێ داعشێ ڤەدگێڕیت، ناڤەرۆكا بەلگە فلمی رۆناهیێ د ئێخیتە سەر ئیرادەیا وان گەنجان بۆ دەستپێكرنا ژیانێ ب ڕێكا هەڤژینیێ و ئاڤاكرنا خێزانێ سەرەڕای وان نەخۆشیێن دەروونی یێن گران دهێنە بیرا وان كو ل دەمێ بۆری دا ب سەرێ وان هاتین و د بەلگە فلمی دا ژیانا ژن و زەلامێن گەنجێن ئێزدی پشتی ڕزگاربوونا وان ژ دەستێ داعشێ د كەڤیتە بەر دەستێ بینەری ژیانەك كو ب ڕزگاربوونێ ب دووماهی نەهاتییە قۆناغەكا نوو یا تێكۆشین و بزاڤكرنێ بۆ ژیانەكا ئاسایی دەست پێ كرییە.
ناڤهاتی گۆت: ئەڤ فێستیڤالە ئێكە ژ چالاكیێن سینەمایی یێن نێڤدەولەتی ل باژێرێ ئەحمەد ئاباد ل هندستانێ، سالا 2026 پشكداریا بەرهەمهێنەرێن سینەمایی و فلمسازێن وەلاتێن جودا ب خۆ ڤە دبینێت، د ئەڤ سالەدا زێدەتر ژ 4700 فلم هاتینە ناڤ فێستیڤالێ دا ژ 150 وەلاتان و فێستیڤال ب مەرەما پشتەڤانیكرنا دەنگێن جودا و بەرهەمێن نوو یێن سینەمایی دا دهێتە ئەنجامدان.
