ئیران: مە خوە بۆ هەر پێشهاتەکێ بەرهەڤ کریە
محەمەد باقر قالیباف سەرۆکێ پەرلەمانێ ئیرانێ دیار کر، دۆرپێچا دەریای و سزایێن ئابووری و ڤێ دووماهیێ ژی ئێرشکرنا ل سەر گەمیێن پەترۆلێ یێن ئیرانێ نیشا ددەت کو ئەمریکا نەڤێت پرسێن هەی چارەسەر بکەت و ئەمریکا دڤێت ب هەموو رەنگەکێ ئیرانێ لاواز بکەت و گۆت: (مە بەری نها ژی گەلەک جاران گۆتیە کو ئیران خوە رادەست ناکەت و هەکە ئەمریکا دڤێت پرسێن هەی ل گەل ئیرانێ چارەسەر بکەت وی دەمی دڤێت دەست ژ سزادانا ئیرانێ بەردەت و رێزێ ل داخوازیێن گەلێ ئیرانێ بگریت).
ناڤهاتی ئەو یەک ژی دیار کر، ئەمریکا و ئسرائیل نەشێن ئیرادەیا گەلێ ئیرانێ ژناڤ ببەن و خەلک ل دژی سیاسەتا ئەمریکا و ئسرائیلێ خوەراگرن و دێ هەتا دووماهیێ ژی خوەدان ل دەولەتا خوە دەرکەڤن، هەکە ئەمریکا بڤێت دەست ب ئێرشێن نوو بکەت، ئیران ژی دێ ب هەموو هێزا خوە بەرسڤا ئێرشێن ئەمریکا دەت و ئیرانێ خوە بۆ هەر پێشهاتەیەکێ ژی بەرهەڤ کریە.
