ژیریا چێكری نەشێت وی دیمەنی ساخ بكەت یێ وێنەگر زەحمەتێ پێڤە دبەت
بێوار حەمدی
وێنەگر و دەرهێنەرێ گەنج (ڕاكان ئیسماعیل) كو ب (ڕاكان شنگالی) یێ بەرنیاسە، د دیدارەكێ دا بۆ رۆژنامەیا ئەڤرۆ گۆت: ل سالا 2017 من دەست بكارێ وێنەگریێ كریە و دناڤ سینەمایا نێڤدەولەتی دا من وەكو دەرهێنەر كاركریە و هەتا نوكە یێ بەردەوامم.
هەروەسا گۆت: ژیریا چێكری چ جاران نەشێت وی دیمەنی ساخ بكەت یێ وێنەگر زەحمەتێ پێڤە دبەت و خەلك تامێ ژ وێنەگریا ب ڕێیا ژیریا چێكری نابینیت، لێ زەحمەتا ڤی كاری ئەوە دەمێ مرۆڤ دگەل كەسەكی كاربكەت و ئەو كەس یێ شارەزا و هونەر دوست نەبیت، بۆ زانین ئۆلا ئێزدیان هەموو دەمان گرنگی دایە هونەری و وێنەگران، ب تایبەت پشتی سالا 2014 ژ بەركو نوكە ئەز ل كەنالێ سەما تیڤی كاردكەم كو یێ تایبەتە ب ئێزدیان ڤە، لەورا پتریا كارێن مەژی ل دۆر ڕەوشا ئێزدیانە و من ل بەرە بۆ دەمێ بهێت هندەك دوكیۆمەنتارێن باشتر چێكەم.