سترانەكێ ب كرمانجی دێ بەلاڤ كەت
رەمەزان زەكەریا
سترانبێژ (محەمەد نەجار) د دیدارەكێ دا بۆ رۆژنامەیا ئەڤرۆ گۆت: بەری چەندەكێ من نووترین سترانا خۆ ب شێوەزارێ توركمانی ب ناڤێ (چاوەڕوانی تۆم) ب شێوەیێ ڤیدیۆ كلیپ بەلاڤكر و پەیڤ و ئاوازا سترانێ من ب خۆ دانایە و كارێن بەلاڤكرنا مۆزیكێ و تۆماركرنا وێ ل ستۆدیۆیا هونەرمەند (ئەحمەد موراد) دا هاتینە ئەنجامدان. سیناریۆیا ناڤ كلیپێ دا ب هەڤپشك د ناڤبەرا من و (ئەحمەد سێنی) دا هاتیە ئامادەكرن، هەروەسا كارێ وێنەگرتنێ و بەرهەمهێنانا ڤیدیۆكلیپێ ژ لایێ كارا پرۆدەكشن ڤە هاتە بجهئینان.
ناڤبری گۆت: د ئەڤ سالە دا من بەرهەمێن جۆرا و جۆر پێشكێشی حەزژێكەرێن دەنگێ خۆ كرینە و سترانەكا نوو یا ڕحا نەتەوەیی و ئایینی دو ستران ب زمانێ توركی و ئەڤ سترانا نوو ژی كو ب شێوەزارێ توركمانی یە و د دەمەكێ نێزیك دا دێ چەندین سترانێن نوو ب ڕەنگ و شێوازێن جودا وەكو سۆرانی، كرمانجی، توركمانی و توركی بەلاڤكەم و هیڤیدارم ب دلێ هەموو گوهدارێن من بیت.