هزار و 700 پارچەیێن ئەردی ل ناوچەداریا بجیلێ دێ هێنە بەلاڤكرن
رەمەزان زەكەریا:
ل سەر بڕیارا سەرۆكێ حوكمەتا هەرێما كوردستانێ بۆ بەلاڤكرنا پارچەیێن ئەردی ل سەر فەرمانبەر و پێشمەرگەیان، بڕیارە ل مەها 11 یا ئەڤ سالە پارچەیێن ئەردی ل ناوچەداریا بجیلێ بهێنە بەلاڤكرن.
هێمن سەلیمخان، سەرۆكێ باژێڕڤانییا بجیلێ بۆ ئەڤرۆ گۆت: «سەرۆكاتییا باژێڕڤانییا بجیلێ هەموو ڕێكارێن پێدڤی ژ بۆ دابینكرنا ئەردی بۆ فەرمانبەر و پێشمەرگەهێن ل سنۆرێ ناوچەداریێ ئەنجامداینە و نوكە پرۆسە گەهشتییە قووناغا دووماهیێ و ل دەمەكێ نێزیك، هزار و 700 پارچەیێن ئەردی ل سەر فەرمانبەرێن سنۆرێ ناوچەداریێ دێ هێنە بەلاڤكرن».
گۆت ژی: «پتریا وان پارچەیێن ئەردی دكەڤنە سەر جاددا گشتی یا ئاكرێ – قەندیل ل ڕۆژهەلات و ڕۆژئاڤایێ ناوچەداریا بجیلێ«.
