ل گەل بابێ خۆ مۆزیكێ دژەنیت
هەرهین محەمەد:
دژوار سەعید، لێدەرێ ئامیرەیێ ئۆرگێ، دیدارەكێ دا بۆ رۆژنامەیا ئەڤرۆ دبێژیت: بازاڕێ مۆزیكژەنان یێ جێگر نینە و هەرجار ل جهەكی یە و جار دەوات و شەهیانان جار كونسێرت و ئاهەنگان و گەلەك هونەرمەندێن مۆزیكژەن و شانۆڤان هەنە، بەلێ پشتەڤانیا دارایی بۆ وان گەلەك یا كێمە و هەروەسا سپونسەر ژی بۆ ئەوان گەلەك د سنوردارن، لەورا دبیت ئەو هند نەشێن داهێنانێ دهونەرێ خۆ دا بكەن و دبینم ئەو مۆزیكژەن گەلەك داهێنانێ دكەت یێ گەلەك دچیتە ئاهەنگ و شەهیان و كونسێرتان.
دژواری گۆت: ژبۆ ب دەستڤە ئینانا داهاتەكێ جێگر بۆ مۆزیكژەنی گەلەك یا ب زەحمەتە كو بیتە ژێدەرەكێ بەردەوام و ژیانا خۆ پێ دەرباز بكەت و یان ئەوی داهاتی بكەتە دناڤ هونەری خوە دا و پێ دەولەمەند بكەت و ب تایبەتی هەكە ئەو مۆزیكژەنە ل دەستپێكا خوە بیت ژبوو چوونا دەواتان و نوكە دچمە دەوات و شەهیانان و من پشكداری دگەلەك بەرنامەیێن كوردی و عەرەبی دا كریە و نوكە دگەل بابێ خوە هونەرمەند (عەدنان سەعید قامیشلۆ) كاردكەم و مۆزیكێ بوو دژەنم و ل گەل بابێ خۆ گەلەك یێ ئارامم و هەست ب خۆوەشیێ دكەم.