44 سالن كارێ دروارێ دكەت
سندس سالح سلێڤانەیی
مامێ (محەمەد) كو ئەڤە (44) سالن كارێ دروینا جلكێن زەلامان دكەت، د دیدارەكێ دا بۆ رۆژنامەیا ئەڤرۆ گۆت: ل بەر دەستێ بابێ خۆ ئەز فێری ڤی كاری بوویمە و ل سالا (1982) من ئەڤ دكانە ڤەكریە، ئانكو ئەڤە (44) سالن ئەز كارێ دروارێ دكەم و گەلەك كەس ل بەر دەستێ من فێری ڤی كاری بووینە و ئەز بكارێ خۆ یێ دلخۆش و ئارامم.
هەروەسا گۆت: دەمێ من شەهیانا خۆ كری بابێ من دەستەكێ (بەرگیزان) بۆ من چێكر و هەر ل وی دەمی هەتا ئەڤرۆكە ئەز بەردەوام حەزژ جلكێن كوردی دكەم و هەردەم (چۆخك) ژی یێ ل بەر من و گەلەك كەیفخۆش دبم دەمێ گەنج دهێن پرسیارا جلكێن كوردی دكەن و دڤێت ئەم هەموو پێكڤە ڤی كلتوورێ خۆ یێ جوان ب پارێزین و داخوازا من ژ گەنجان ئەوە نە بەس ل رۆژێن جەژنێ و نەورۆزێ و بیرهاتنان جلكێن كوردی بكەنە بەرخۆ، بەلكو ل رۆژێن دی ژی بلا ل بەر هەوە بن.