چاوا دێ بیە ئافرەتەکا بهێز و خودان کاریزما؟
ب/ شادیا عیسا
ههبوونا کهسایهتیهکا بهێز و کاریزماتیك بۆ ئافرهتێ نه تشتهکێ زکماکی یه، بهلکۆ شارهزاییهکه دشێت ب ڕێیا ڕاهێنان و گوهۆڕینا ڕهفتاران بهێتە پێشخستن.
ڕێکێن دیار بۆ ئافرەتا بهێز و کاریزما:
– باوەری ب خۆبوون: جیاوازیەکا بەرچاڤ د ناڤبەرا ئاستێ باوەری ب خۆبوونێ و شانازییا بێ مفادا بکە. باوەری ب شیان و بهایێ خۆ بنەمایێ کاریزمایێ یە.
– شارەزایی د ئاخفتنێ دا: ب هێز و ئارام ب ئاخڤە، سەحکە ناڤچاڤێن چاڤێن کەسێ بەرامبەر و ژ بکارئینانا ئاخفتنێن دودلیێ دوور ببه.
– گوهداریکرنا چالاک: کاریزما ب تنێ ئاخفتن نینە، بەلکو گوهداریکرنا باش بۆ کەسێن دی، ئەڤە ئافرەتێ خۆشتڤی دکەت و دکەتە جهێ ڕێزێ.
– خۆ پێشخستن: بەردەوام خواندن، فێربوونا شارەزاییێن نوی، و ئاگەهداربوون ژ روودانان، ڕێز و کاریزمایەکا مەزن ددهتە کەسایەتیێ.
– زمانێ لهشی: ب ڕەنگەکێ باوەر بخۆ ب ڕاوستە سەرێ خۆ بلند کە و پشتا خۆ ڕاست کە، ب گرنژینهکا سروشتی و ڕهوشتهکێ بهرز ڕهفتارێ بکە.
– کۆنتڕۆلکرنا هەستان: ژ توڕهبوونا بلهز و زوی تێکچوونێ دوور ببه، کهسایهتییا بهێز ددهمێن بێهنتهنگیێ دا ئارام و ژیرانه بڕیاران ددهت.
– دیارکرنا سنوران: فێرببه ب شێوازهکێ ساده و ب ڕێز بێژی “نه“ بۆ ههر تشتهکێ زیانێ بگههینیته بهایێن ته یان دهمێ ته.
– پشتهڤانیکرنا ژنێن دی: کهسایهتییا بهێز کهسێن دی ژی بلند دکهت و پێشبرکیێن بێ مفا دگهل دەورۆبهران ناکهت.