وەك پلەیئاوت و دەرهێنەر ل دهۆك سپۆرت كار دكەت
زنار تۆڤی
مەدیاكار (نهێل خەلیل كەمال) وەك پلەیئاوت و دەرهێنەر ل كەنالێ دهۆك سپۆرت دەست ب كاربوویە، د دیدارەكێ دا بۆ رۆژناما ئەڤرۆ دیاركر: د دەمەكی دا، كو راگەهاندنا وەرزشی ل دەڤەرێ بەر ب قووناغەكا نوو یا پێشڤەچوونێ ڤە دچیت، گەنجێن خودان شیان و بسپۆر ڕۆلەكێ سەرەكی د رێڤەبرن و پێشخستنا كوالیتیا پەخش و بەرهەمهێنانێ دا دگێڕن، هەروەسا ئەو كەسەك بوویە ژ تەكنۆلۆژیست و چالاكڤانێن دیار د ئیدارەدانا مەدیایا دیجیتالی و سیستەمێن تەكنیكی دا، نوكە وەك پلەیئاوت و دەرهێنەر ل كەنالێ دهۆك سپۆرت كاردكەت.
نهێلی گۆت: ئەو خودان ئەزموونەكا دەولەمەندە د بۆارێ تەكنۆلۆژیا زانیاریان، ئیدارەدانا رادیۆ و مەدیایا ئۆنلاین، پێشخستنا سیستەمێن زێرەڤانی و پەخشی دا، هەروەسا ئارمانجا وی یا سەرەكی د ڤی كارێ نوو دا، ئینانا تەكنۆلۆژیا نووترە بۆ سیستەمێ پەخشی (Playout) و بلندكرنا ئاستێ دەرهێنانا خۆل و یاری و بەرنامەیێن وەرزشی ل كەنالێ دهۆك سپۆرت ب رەنگەكێ سەردەمیانە، كو دگەل ئاستێ بەرێخۆدانا جەماوەرێ وەرزش دۆست، یێ پارێزگەها دهۆكێ ب گۆنجیت و كەنالێ دهۆك سپۆرت وەك ئێك ژ كەنالێن وەرزشی یێن ئێكەم ل دەڤەرا دهۆكێ، ب بەردەوامی بزاڤا نووژەنكرن و ئینانا كادرێن گەنج و شارەزا دایە، داكو بشێت باشترین خزمەتگوزاریا وەرزشی بگەهینیتە بینەرێن خۆ ل ڤی باژێری.