پەردە ل سەر خەلاتـێ جیهانی یێ زە بێست ل زاخۆ هاتە ڕاكرن
شڤان عەبدی، بەرپرسێ ڕاگەهاندنا ئیدارەیا سەربخوە یا زاخۆ بۆ ڕۆژنامەیا ئەڤرۆ دیاركر كو گوهدار شێخۆ، سەرپەرشتێ ئیدارەیا سەربخوە یا زاخۆ، پەردە ل سەر خەلاتێ جیهانی یێ زەبێست یێ باشترین جەماوەرێ جیهانێ یێ جەماوەرێ یانەیا زاخۆ یا وەرزشی ل كۆڕنیشێ پرا دەلال هاتە ڕاكرن.
بەرپرسێ ڕاگەهاندنا ئیدارەیا سەربخوە یا زاخۆ ئاماژە ب وێ چەندێ ژی كر كو گوهدار شێخۆی سوپاسیا هەموو خەلكێ خوەشتڤی و جەماوەرێ كوردستانێ و جیهانێ كر، یێن دەنگ ب یانەیا زاخۆ یا وەرزشی داین، ژ بۆ بدەستڤەئینانا ڤی خەلاتێ جیهانی یێ مەزن.
شڤان گۆت: «ئەڤ هەلكەفتا پەردەڕاكرنێ ل سەر خەلاتێ زەبێست یێ جیهانی، ب ئامادەبوونا چیا ئەمین، سەرۆكێ یانەیا زاخۆ یا وەرزشی و فەرهاد عەمار، سەرۆكێ پێشتر یێ یانەیا زاخۆ و دەزگەهێن ڕاگەهاندنێ هاتە ئەنجامدان».
