كچەكێ پەرتووكخانەیەك ل باعەدرێ ڤەكر
دلڤین رەشید
كچەكا خەلكا (باعەدرێ) ب ناڤێ (هەنادی رەڤۆ) د دیدارەكێ دا بۆ رۆژناما ئەڤرۆ گۆت: ئەڤە نێزیكی (15) سالانە ئەز ماموستایا زمانێ ئنگلیزی مە ل باعەدرێ و ژبەر حەزا من یا زێدە ژبۆ خواندنا پەرتووكان، ل سالا 2018 هزر بۆ من چێبوو كو پەرتووكخانەیەكێ ڤەكەم، لێ ل وی دەمی ژبەر ئالۆزین ژیانی نەشیام خەونا خۆ ب جه بینم ، بەلێ بەردەوام من بزاڤكرن هەتا گەهشتیمە هیڤیا خۆ ئەو بوو من پەرتووكخانە ب بێ دەنگی ڤەكر و ب كارێ خۆ یا دلخۆش و ئارامم.
هەروەسا گۆت: هزرڤەكرنا پەرتووكخانێ بۆ من هات، یا ئێكێ ژ بەر حەز و ڤیانا من بۆ ڤی كاری، یا دویێ ژی ئەڤە ئێك ژ داخوازی یێن قوتابین من بوو، كو وان دخواست پتر فێری زمانێ ئێنگلیزی ببن، لەورا من ئەڤ چەندە ب فەر دیت، هەروەسا ل گەل ڤێ چەندێ هیڤیا قوتابین خۆ ژی بجه بینم و دناڤ پەرتووكخانێ دا وان پتر فێری زمانێ ئێنگلیزی بكەم و دهەمان دەمێ دا حەزژ خواندنا پەرتووكان ژی بكەن و ئەز دبینم گەلەكا گرنگە كو ئافرەت بەردەام كاری ل سەر ئارمانجێن خۆ بكەت و هەكە ئاستەنگێن ژیانێ چەند ب زەحمەت بن، بەلێ بەردەوامی و خۆ ڕاگری و ئیرادە دشێن مرۆڤی بەرەف ئاقارێن سەركەفتنێ ڤە ببەن.
