بۆ ئێکەم جارە ل کوردستانێ گڕۆپەکێ دەفژەن یێ ئافرەتان دهێتە پێکئینان
د. مهاباد ئازاد، سەرۆکا پەیمانگەها زەینەب خان د دیدارەکێ دا بۆ ڕۆژناما ئەڤرۆ دیارکر ژ لایێ پەیمانگەها زەینەب خان ڤە بۆ ئێکەم جار ل سەر ئاستێ کوردستانێ گڕۆپەکێ دەفژەنێن ئافرەت هاتیە ڤەکرن، کو ژ 24 ئافرەتان پێك دهێت و ل هەیڤا بهێت ژی دێ ئێکەم کۆنسێرتا خوە ئەنجامدەن.
ناڤهاتیێ ئاماژە ب وێ چەندێ ژی کر کو د نوکە دا هەموو ئەندامێن ئافرەت یێن ڤی گڕۆپی پشکداری خۆلەکا سێ هەیڤی بووینە، وانەیێن خۆلێ ژ لایێ مامۆستایێن بسپۆر ڤە ب شێوەیێ تیۆری و پڕاکتیکی دهێنە گۆتن و ل ڕۆژا دووماهیا خۆلێ ژی دێ کۆنسێرتەکێ ئەنجامدەن، ئارمانج ژ ڤەکرنا ڤی گڕۆپی ئەوە کو پشتەڤانی ل بەهرە و شیانێن ئافرەتان بهێته کرن کو ئەو ژی بشێن خزمەتا هونەرێ کوردی بکەن.
گۆت ژی:»دروستکرنا ڤی گڕۆپێ هونەری پێنگاڤەکا گرنگە بۆ پەیداکرنا کارەکێ ژ هەژی بۆ ئافرەتێن کورد داکو ببنە پێشەنگ د بوارێ هونەری و ڕەوشەنبیری دا، و ئەو ژی ڕۆلێ خوە د پاراستنا فولکلۆر و مۆزیکا ڕەسەنا کوردی دا بگێڕن».
