جۆتیارەك: بەرازان زیانێن مەزن گەهاندینە دەرامەتێ جۆتیارێن دەڤەرا ئامێدیێ
ئامێدیێ، مەحمود نهێلی:
دەرامەتێ دەڤەرا ئامێدیێ، ب تایبەتی ژی برنج، نێزیكە بگەهیت، لێ جۆتیار دبێژن، بەرازان دەرمەتێ مە پیچكریە، ب تایبەتی ژی زەڤیێن برنجی.
ئێك ژ جۆتیارێن گوندێ هاریكا بۆ رۆژنامەیا ئەڤرۆ دبێژیت: «ئەڤە دەمێ چار مەهانە ئەم بەردەوام د ناڤ برنجی دا بۆ وێ یەكێ رۆژەك بهێت، ئەم برنجێ خۆ ب دروین و ببەین بدەینە زاڕۆیێن خوە، لێ دیارە زەحمەتا مە دێ بەر ئاڤێ دا چیت، چونكی بەراز رۆژانە قەستا ناڤ چەمی دكەن و هەر چو دكەڤیتە بەر لمبیسا وان ژناڤ دبەن».
حسێن ئەحمەد ئێك ژ جۆتیارێن دەڤەرێ یە بۆ ئەڤرۆ گۆت: «رۆژانە بەراز دهێنە د ناڤ زەڤیێن مە دا، گولێن برنجی دكەنە د ناڤ دەڤێ خوە دا و دهاڤێژنەڤە، ب راستی هەكە سالەكا دی چو رێك بۆ نەهێلانا بەرزان نەهێنە دیتن، ئەم نەشێین ئێدی برنجی بكەینەڤە».
حسێن گۆت ژی: «مە رێكا تەقتەقۆشكا و رێكا هەلامەتا و گەلەك رێكێن دی بكارئینان، كو رێ ل بەرازان بگرین و نەهێنە د ناڤ زەڤیێن مە دا، لێ چو مفا تێدا نەبوویە و خوە حەتا كامیرە و گلوپێن بەر هێزا رۆژێ ژی مفا نەگەهاندیە جۆتیاران، لەو داخواز ژ لایەنێن پەیوەندیدار دكەین چارەسەریەك بۆ بهێتە دیتن».
