ئەڤرۆ سعوودیێ و ئیمارات دێ ب شەڕێ دەستڤە ئینانا ناسناڤێ كەنداڤی کەن
چاڤەڕێ دهێتە كرن ئەڤرۆ ل دەمژمێر نەهی شەڤ دیدارا فینالێ یا قارەمانییا كۆپا كەنداڤییا 27ێ دناڤبەرا هەردو هەلبژارتیێن سعوودیێ خودانا ئەردی و هەلبژارتیێ ئیماراتێ ئەوا دێ ل باژێرێ جەددە یا سعوودیێ هێتە كرن.
د دیرۆكا یاریێن دناڤبەرا هەردو هەلبژارتیان دا 33ێ جاران بەرانبەری ئێك بووینە، 19 سەركەفتن بۆ سعوودیێ و شەش سەركەفتن بۆ ئیماراتێ بوون، د حەفت یارییان دا وەكهەڤ بووینە، ژ وانا 18 یاریێن كۆپا كەنداڤی بووینە و ڕێژەیا 11 سەركەفتنان یێن سعوودیێ بوو و سێ یێن ئیماراتێ و چار وەكهەڤی هەبووینە.
هەلبژارتیێ سعۆدیێ سێ ناسناڤ هەبووینە ل سالێن 1992- 2002 و 2003، ژلایێ خوەڤە ئیماراتێ دو ناسناڤ هەبووینە ل سالێن 2007 و 2013ێ، بۆ زانین هەلبژارتیێ كوێتێ پترترین ناسناڤ دەستڤە ئیناینە و گەهاندینە 10 ناسناڤان، دووڤدا هەلبژارتیێ ئیراقێ چار ناسناڤ هەنە.
