سیستەمێ ئەزموون و هژمارتنا نمرەیێن قوتـابییان دێ هێتە گـوهـۆڕین
دهۆك، دلۆڤان ئاكرەیی:
نوردەین عوسمان، رێڤەبەرێ گشتیی ئەزموونان ل وەزارتا پەروەردەیا حوكمەتا هەرێما كوردستانێ خویا كر، پلانەك بۆ گوهۆڕینا سیستەم و شێوازێ ئەزموونان و هژمارتنا نمرەیێن قوتابیان هەیە و دبێژیت: سالێن بهێن كار ب وی سیستەمی دێ هێتە كرن.
ناڤهاتی گۆت: «ئەڤ سالە، وەكی سالێن بۆری، چو گوهۆڕین د سیستەمێ ئەزموون و هژمارتنا نمرەیان دا ناهێنە كرن، لێ ئەڤ سالە سیستەمێ نوو ل 24 قوتابخانەیێن جودا ل سنۆرێ هەر 24 رێڤەبەریێن گشتی یێن پەروەردەیێ دێ هێتە تاقیكرن و لایەنێن باش و خراب یێن وی دێ هێنە دیاركرن، ئەگەر سیستەم سەركەفتی بوو، د سالێن دووڤ دا دێ هێتە پەسەندكرن و كار پێ هێتە كرن، نوكە ئەزموون وەرزینە و لسەر 20 نمرەیان نە و 20 نمرە ژی ل نك مامۆستایی نە، مە دڤێت شێوازەكێ باشتر و پێشكەفتیتر بكار بینین».
