هنگڤینێ سەختە یێ مشەبووی
سندس سالح سلێڤانەیی
مێشەڤان (ئەیاد ئیبراهیم) كو ئێك ژ پشكدارێن فێستیڤالا تری و هنگڤینی بوو ل دهۆكێ، د دیدارەكێ دا بۆ رۆژنامەیا ئەڤرۆ گۆت: هەلبەت هەبوونا ڤان فێستیڤالان ل دهۆكێ گرنگیەكا تایبەت هەیە و دخوازم د بەردەوام بن، سەبارەت بەرهەمێ مە ژی كو ئەم هنگڤینێ خۆمالی دفرۆشین هەر كەسەكێ دهێت بەری هنگڤینی بكڕیت ئەم دبێژینێ گونەها تە د ستۆیێ مە هەكە هنگڤینێ مە نەیێ خۆمالی بیت، یان مە شەكر دا بیتێ، یان دەستكاری تێدا كربیت و هەرە ببە مال هەكە ب دلێ تە نەبیت بەس تەلەفۆنەكێ بۆ مە بكە ئەم دێ هێینە مالاتە و دێ هنگڤینێ خۆ زڤڕینین و پارێ تە ژی ل تە زڤڕینین و ئەم سوپاسدارێن تەینە.
هەروەسا گۆت: گرنگە خەلك هنگڤینێ خۆمالی بنیاسیت، چنكو یێ سەختە یێ مشە بووی و خوارنا وی ژبلی زیانێ چ مفای ناگەهینتە مرۆڤی.