وه‌زیرێ به‌رڤانیا ئه‌مریكى: هه‌موو شیان مه مه‌زاختن به‌لێ قه‌یرانا عیراقێ گه‌له‌ك ب ئاسته‌نگه
ئه‌ڤرۆ نیۆز:
وه‌زیرێ به‌ره‌ڤانیا ئه‌مریكى چاك هیگل د كونگره‌كێ رۆژنامه‌ڤانى دا ئاشكراكر، هێزێن ئێمناهیا عیراقێ ب ته‌مامى كونترۆلا به‌غدا دكه‌ن و چه‌په‌رێن خوه پاراستینه و دوپاتكر، هاریكارى و هێرشێن ئه‌سمانى یێن مه بۆ پشته‌ڤانیا عیراقێ د به‌رده‌وامن.
وه‌زیرێ به‌ره‌ڤانیا ئه‌مریكى هه‌روه‌سا گۆت: ب رێیا هێرشێن ئه‌سمانى هه‌موو شیانێن خوه مه بجهئینان بۆ پشته‌ڤانیا عیراقێ دژى شه‌رێ تیرۆرستان، ئاماژه‌دا هندێ ژى، هنده‌ك پێشڤه‌چوون ل وان ده‌ڤه‌ران هاتینه ئه‌نجامدان به‌لێ هه‌ڤده‌م دیاركر، قه‌یرانا عیراقێ یا بزحمه‌ت و پڕى ئاسته‌نگه.
ژئالیه‌كێ دیڤه سه‌ركرداتیا له‌شكرێ ئه‌مریكى گۆت: له‌شكرێ ئه‌مریكى هاریكاریێن چه‌كى و ته‌قه‌مه‌نیێ ب رێیا ئه‌سمانى بۆ ده‌ڤه‌را بێجى بۆ به‌رسینكگرتنا داعشێ هنارتینه، هه‌روه‌سا خوه‌یاكر، ئه‌و گه‌هاندنا چه‌كێ بۆ راگرتنا پێشڤه‌چوونا چه‌كدارێن داعشێ یه به‌رب به‌غدا ڤه .
