سێ رۆژه گه‌نجه‌ك کەفتیە د ئاڤێ دا و نەھاتیە دیتن
ئاکرێ، بێوارحسێن زێباری:
بەرپرسێ راگەھاندنا بەرەڤانیا باژێرێ ئاکرێ دیار کر ئەڤە بۆ ماوێ سێ رۆژانە گەنجەک کو خەلکێ ھەولێرێ یە. کەفتیە زێی ل ئاکرێ و ھێشتا نەھاتیە دیتن و لێگەریان ل تەرمێ وی ژ ئالیێ تیمێن وان ڤە یا بەردەوامە.
نەقیب فیراس ئاکرەیی بەرپرسێ راگەھاندنا بەرەڤانیا باژێرێ ئاکرێ بۆ ئەڤرۆ دیار کر کو ئەڤە سێ رۆژە تیمێن باژێرڤانیا ئاکرێ ل تەرمێ وی گەنجی دگەریێن و ھەتا نھا نەدیتیە و گۆت “شێلیا ئاڤێ و خرابیا کەش و ھەوایی بوویە ئەگەرێ ھندێ کو ئەڤ گەنجە نەھاتیە دیتن”.
بەرپرسێ راگەھاندنا بەرەڤانیا باژێرێ ئاکرێ دیار کر ژی کو ئەو گەنج خەلکێ ھەولێرێ یە و ناڤێ وی (ئاورێ ئیبراھیم خۆرشید) و ژیێ وی ١٨ سالە و گۆت “تیمێن باژێرڤانیا ئاکرێ بەردەوام لێ دگەریێن و دێ بەردەم بن ھەتا تەرمی ببینین یان دگەھینە ئەنجامەکێ”.
