ئەڤرۆ ناڤێن ئامادەیێن دھێنە ڤالاکرن بەلاڤ دکەت
ئەڤرۆ نیوز، سالار دۆسکی:
سەرۆکا لیژنا پەروەردێ ل جڤاتا پارێزگەھا دھۆکێ دیارکر کو وەک لیژنا پەروەردێ ل جڤاتا پارێزگەھا دھۆکێ رۆژانە یێ دووڤچوونێ ل سەر چێکرنا کەمپان دکەن ب مەرەما ب زووترین دەم ب دووماھی بھێن و ئاوارێن قوتابخانا بھێنە ڤەگۆھاستن بۆ ناڤ کەمپان، دیسان رۆژانە پەیوەندی ھەنە د گەل رێڤەبەرێن پەروەردێن قەزا و رێڤەبەریا گشتی یا پەروەردا دھۆکێ ل سەر کاودانێن ئاواران قوتابخانا و دیتنا چارێن ب لەز ل بابەتی.
جمبەد شوکری ئاکرەیی سەرۆکا لژنا پەروەردێ ل جڤاتا پارێزگەھا دھۆکێ زێدەتر گۆت: “نوکە ٨١ ئامادەیی ھاتینە ڤالاکرن، ل ھەر سێ پەروەردێن دھۆک رۆژئاڤا، دھۆک رۆژھەلات و پەروەردێن سێمێل و زاخۆ، کۆمبوون بەردەوام ل سەر دھێنەکرن و پتر رژدی بۆ ڤالاکرنا ئەڤان قوتابخانا دەست پێکریە”.
ھەڤدەم سەرۆکا لیژنا پەروەردێ ل جڤاتا پارێزگەھێ گۆتژی: “رێکخراوا یونێسڤ بڕیار دایە ١٨٥ قوتابخانا ل دھۆکێ نووژەن بکەت و تەعقیم بکەت و پاقژ بکەت کو بکێری خواندنێ بھێن و ھەر قوتابخانەکێ چار ھزار دۆلار بۆ ھاتینە تەرخانکرن، ئەڤە ل دووڤ لیژنەکێ کو پێشتر ھاتیە دیارکرن کو ژ رێڤەبەر و ھاریکار و مامۆستا و سەمیانێن قوتابیان ب خوەڤەدگریت”.
سەرۆکا لژنا پەروەردێ ل جڤاتا پارێزگەھێ، دیارکر ژی کو ناڤێن ئامادەیێن دھێنە ڤالەکرن پێک ھاتینە ل پەروەردا سێمێلێ، (باتێل، سەرۆکانی، گرشین، مەرینا، سێمێل کوران، کوماتە، شاناز، سێمێل ئێڤاران، مسیریک تەناھی، ئاریان، زانا، رزگاری، بھادار، نەھی نیسانێ، شاریا، گەلی بدر، ئادارا نموونەی، ل سنورێ پەروەردا دھۆکێ رۆژئاڤا ئامادەیێن دھێنەڤالاکرن پێک ھاتینە ژ (رباد، دھۆک کچان، ئاواز ،لاڤا، زرکا، مالتا، چیا، ئامەد، سادق بھائەدین، التاخی، پێشەسازی، بازرگانی، دەستور، سیمەرخ، ژیندا، یارمەند، ھەیڤ، دیسان ئامادەیێن دھێنە ڤالاکرن ل سنورێ پەروەردا دھۆکێ یا رۆژ ھەلات پێکھاتینە ژ پێشەوا، میدیا، لەیلا قاسم، زانستی، برایەتی، تەعایش، جەگەرخوین، وارگە، گولان، قارەمان، بەرخودان، تاڤا، ئالا، زاویتە، حوجاڤا، باگێرا، مانگێش و کورا)
سەرۆکا لیژنا پەروەردێ ل جڤاتا پارێزگەھێ، دیارکر ژی کو ل دووڤ زانیاریێن ھەر دوھی ب دەست کەفتین ژ رێڤەبەرێ کەمپان، دو کەمپ ب دووماھی ھاتینە و قوتابخانێن دھێنە ڤالاکرن دێ ئاوارە بۆ ئەڤان ھەر دو کەمپان ھێنە ڤەگۆھاستن، کەمپا شاریا (٤) ھزار ھەتا (٥) ھزار چادر دھێنە ڤەدان، ب رێژا (٩٧%) ب دوووماھی ھاتینە، کەمپا خوانکێ ژی (٦٧%) ب دووماھی ھاتیە و ھەتا (٣٥٠٠) چادر دێ لێ ھێنەدانان، دیسان قوتابخانە ژی بۆ ئاوران د گەل بنگەھێ پولیسان دھێنە دروستکرن.
ناڤبریێ ئاشکراکر ژی کو ھەتا جە نەکر ژی دەم درێژ بوو کەمپ زوو بدووماھی نەھاتن، پێ گوھۆر پێش کەمپان ڤە ھەیە، ھزر برنا ئاوران بۆ کەلھا نزارکێ و دیسان چەندین جھێن دی وەک عومبار و ھول و ھەر جھەکێ ھەبیت.
