داعش لبه‌ره به‌ره‌ڤ ده‌وله‌ته‌كا دی ژی بچیت
ئه‌ڤرۆ نیوز: ڤه‌ده‌ر ره‌شاڤایی:
لدووڤ ژێده‌رێن له‌شكه‌ری، رێكخستییا تیرۆرییا داعش پشتی ل ڤێ داویێ هه‌ر ئێك ژ ره‌مادی ل ئیراقێ و ته‌دمۆر ل سوریا كنترۆل كری نها چاڤێ وێ ل ده‌وله‌ته‌كا دییه و لبه‌ره هێرشێن خوه بۆ ناڤا وێ ده‌وله‌تێ ژی ببه‌ت.
شاره‌زایێن دژه تیرۆرێ پێشبینی دكه‌ن كو بكۆنترۆلكرنا ته‌دمور، و چه‌ند جهێن دی لسه‌ر سنۆرێ وه‌لاتێ ئوردنێ، داعش بۆ ده‌مێ دو رۆژایه بزاڤێن خوه به‌ره‌ڤ باشۆرێ ته‌دمۆر برینه كو به‌ره‌ڤ ئوردنێ یه، ئه‌ڤ یه‌ك ژی بۆ به‌رفره‌هكرنا سنۆرێ ده‌ستهه‌لاتا خوه‌یه ل ئیراق و سوریا برێیا ده‌ربازبوون بۆ ناڤ سنۆرێ ئوردنێ.
خالا سنۆریا ئه‌لوه‌لید دناڤبه‌را ئیراق و سوریا دده‌ستێ داعش دایه زێده‌باری ناوچا ئه‌لته‌نف لنێزیك سنورێ ئوردنێ.
لدووڤ پێشبینییا هنده‌ك پسپۆران بۆ ئاژانسا (DEBKA) دیاركرینه كو دبیت داعش بزاڤان بكه‌ت بچیته به‌غدا لێ هه‌كه‌ر ئه‌ڤ یه‌كه نه‌كر پێشبینییا دویێ ئه‌وه كو دێ به‌رێ خوه بده‌ته ئوردنێ.
تێ زانین 700 هزار په‌نابه‌رێن ئیراقی و سوری ژ شه‌رێ داعش ره‌ڤینه و نها ل وه‌لاتێ ئوردنێ د كه‌مپێن په‌نابه‌ران یێن سه‌رسنۆری دژین بهێرشێن داعش دێ كه‌ڤنه بن گه‌فا راسته‌راست یا تیرۆرستێن داعش.
