شه‌رێ به‌درێ و شه‌رێ غه‌درێ
به‌راوردكرنه‌كا گرنگ دناڤ به‌را شه‌رێ به‌درێ و شه‌رێ تیرورستێن داعش. .
17 ی ره‌مه‌زانێ روژا شه‌رێ به‌درێ یه، ئێكه‌مین شه‌رێ مه‌زن كو په‌یدابوی دناڤ به‌را پێغه‌مبه‌ری (سلاڤێن خودێ ل سه‌ربن) و هه‌ڤالێن وی دگه‌ل دوژمنێن وان ل مه‌كه‌هێ. . و ئه‌ڤرو كه‌ژی هنده‌كێن دی بناڤێ خودێ و پێغه‌مبه‌رێ وی (سلاڤ ل سه‌ربن) یێ شه‌ره‌كی دكه‌ن ل عیراقێ و سوریایێ و گه‌له‌ك جهێن دی (داعش). . ئه‌گه‌ر هه‌ردوو شه‌را بده‌ینه به‌رئێك دێ بومه دیاربیت. .
1/
– شه‌رێ به‌درێ: هه‌می موسلمان هنده‌ك كه‌سێن ژێگرتیێن ملله‌تێ خو بون و به‌رنیاس بون ب (راستی و جوامێری و ره‌وشت به‌رزیێ). .
* شه‌رێ داعش: هنده‌ك كه‌سێن نه‌به‌رنیاس و زوربه‌ییا وان ده‌رچویێن زیندانان و به‌رمایكێن خوین مێژێن به‌عسیانه. .
2/
– شه‌رێ به‌درێ: شه‌رێ هنده ك كه‌سان بو سته‌م لێ هاتیه كرن و ژ مال و جه و وارێن وان هاتینه ده‌رئێخستن. .
* شه‌رێ داعش: شه‌رێ هنده‌ك كه‌سانه هاتینه خه‌لكێ ئارام ژ مال و جه و وارێن وان ب ده‌رئێخن. .
3/
– شه‌رێ به‌درێ: موسولمانێن به‌ژدار دڤی شه‌ری دا هنده‌ك شه‌ركه‌رێن ره‌وشت به‌رز و خودان ئه‌خلاق و ناخێ وان پری مروڤایه‌تی بوینه. .
* شه‌رێ داعش: ئه‌ندامێن وان هنده‌ك كه‌سێن به‌رنیاسن ب دروندایه‌تی و هوڤایه‌تی و بێ ره‌وشتیێ. .
4/
– شه‌رێ به‌درێ: موسلمانان چ ( مال، زاروك، ژن، پیر، نامیس ) خراب نه‌كرن و نه كوشتن. .
*شه‌رێ داعش: شه‌رێ سوتن و تالانكرن و خرابكرن و كوشتن و كرێتكرنا هه‌می تشت و هه‌می كه‌سانه. .
5/
– شه‌رێ به‌درێ: موسلمانان (70) ئێخسیرێن شه‌ركه‌ر هه‌بون و هه‌می زڤرینه مالێن خو و زوربه‌ییا وان موسلمان بون ژ به‌ر وێ ره‌فتارا جوان یا دگه‌ل وان هاتیه كرن. .
* شه‌رێ داعش: چه‌ندین سڤیلێن بێ گونه‌ه ب ده‌ستێ وان هاتنه كوشتن و ره‌ڤاندن و ل سیكان هاتنه فروتن. .
له‌وما ئه‌م دشێین بێژین شه‌رێ موسلمانان ل به‌درێ شه‌رێ به‌رگریێ بو ژ ماف و سته‌ملێكری و مروڤایه‌تیێ و ره‌وشتان. . و شه‌رێ داعش شه‌ره‌كێ ب غه‌در و سته‌م و بێ ره‌وشت و هوڤانه‌یه.
