ئابوورێ ھەرێمێ و چەند تێبینیەک!
ئابوورا ھەرێما کوردستانێ ل سێ قووناغان دەربازبوویە، یا ئێکێ ل سالا ١٩٩٢ و ھەلبژارتنێن پەرلەمانی و دانانا کابینا ئێکێ یا حوکمەتا ھەرێما کوردستانێ ھەتا سالا ٢٠٠٣ و ژناڤبرنا رێژێما بەعسیان د ڤێ قووناغێ دا سەرەرایی ئابلۆقا ئەنجوومەنی ئاسایشا جیھانی ل سەر عیراقێ ب گشتی ئابلۆقا ئابووری یا بەغدا ژی ل سەر ھەرێمێ ھەبوو ئانکو دو ئابلۆقە ل سەر ھەرێمێ ھەبوون!! و شەڕێ براکوژیێ کارتێکرنەکا مەزن ھەبوو کو ھەرێم بوو دو ئیدارە و داھات ل سەر ھەر دو ئیداران دھاتە دابەشکرن و پارێزگەە د بێ بەھربوون ژ پرۆژێن ستراتیجی و مەزن و زۆربەیی پرۆژان ب رێیا رێخراوێن بیانی دھاتنە بجھئینان و بارێ خەلکی زۆرێ گرا ن بوو ژ ھەمی لایەنان ڤە و ل وی دەمی حوکمەت یا دەولەمەندبوو و خەلکێ ھەژاربوو!!! لێ ل قووناغا دووێ ئانکو ل سالا ٢٠٠٣ و رۆخیانا رژێما بەعس ھەتا سالا ٢٠١٣ و توندبوون و تێکچوونا پەیوەندیان د ناڤبەرا ھەڤلێر و بەغدا دا!! د ڤێ قووناغێدا کوردان چەندین گاڤێن زۆر مەزن ھاڤێتن د ھەمی واران دا و قانوونا وەربەرھێنانێ ھاتە پەسەندکرن و کار پێ ھاتە کرن و دەرگەھێ وەبەرھێنانێ بۆ کۆمپانیێن ناڤخوە و بیانی ھاتە ڤەکرن و کوردستانێ پێشڤەچوونێن مەزن بخوەڤە دیتن و ب تایبەت د وارێ ئاڤەدانیێ و پرۆژێن نیشتەجێبوونێ دا !! ئەڤە ژ لایەکی ژ لایەکێ دیڤە دەرگەە بۆ دامەزراندنێ ھاتنە ڤەکرن و خەلکەکێ زۆر ھاتە دامەزراندن کو حوکمەت یا پێدڤی ڤان ھەمی کارمەندان نەبوو بەلکو چونکی پارە ل بەر دەست ھەبوو ب ڤی رەنگی دەلیڤێن کاری بۆ خەلکی ھاتنە رێخستن و ل دووماھیێ مووچە بۆ کێشا ھەرا مەزن یا حوکمەتێ!! و د ڤێ قووناغێدا زۆربەیی ئەردی ب ھەدەر چوو و ب دروستی و ب شێوەکێ زانستی مفا ژ نەھاتە وەرگرتن بەلکو ب شێوەکێ بەراللا ھاتە پارڤەکرن!! حوکمەتێ ل دەسپێکێ چ گرنگی نە دا کەرتێ تایبەت و قانوونێن تایبەت بۆ ڤێ چەندێ نە ھاتنە راستڤەکرن و دەرکرن و ئەڤ چەندە بوو ئەگەر پلەدارێن حزبی و حکومی بوونە بازرگان و وەبەرھێنەر و گەندەلی ب رەنگەکێ مەزن و مەترسیدار بەلاڤبوو و جڤاکێ کوردی بوو جڤاکەکێ تەخ تەخی و د ڤێ قووناغێدا خەلکەک ژ حوکمەتێ دەولەمەنتر لیھات!! لێ چونکی چ ھەماھەنگی یا موکم و ھەڤکاری د ناڤبەرا کەرتێ تایبەت و گشتی دا نەبوو و نەبوونا چ سیستەمێن بانکی یێن کاڕا و زانستی ل ھەرێمێ ئەڤ چەندە بوونە ئەگەر کێشێن دارایی ل ھەرێمێ سەرھلدا!!! ئەوبوو ل قووناغا سیێ ئانکو ل سالا ٢٠١٣ ھەتا نوکە و تێکچوونا پەیوەندیان ب شێوەکێ نەچاڤەرێکری د ناڤبەرا ھەڤلێر و بەغدا و گەفێن حوکمەتا مەرکەزی بۆ بڕینا بودجا ھەرێمێ ئەوبوو ل دەسپێکا سالا ٢٠١٤ گەفێن بەغدا بوونە راستی و بودجە و مووچە ھەردو ژ ھەرێمێ ھاتنە بڕین و زۆربەیی پرۆژان ھاتنە راگرتن و قەیرانەکا مەزن یا دارایی پەیدابوو کو کێشا مووچا ئێک ژ دیارترین سیمایێن ڤێ قەیرانێ نە کو تانوکە یا بەردەوامە!! پاشی پەیدابوونا داعش و گرتنا پارێزگەھا مووسلێ و سەلاحددین و چەندین دەڤەرێن مەزن ژ پارێزگەھێن دیالا و کەرکووکێ و ئەنبار و ڤەگوھاستنا بەرێ شەڕێ وان بۆ ھەرێمێ و کەتنا زومار و شنگال و مخمۆر و چەندین ناوچێن دی د دەستێن داعشێ دا و ئاوەرەبوونا پتری ملیۆن کەسان و ھاتنا وان بۆ ناڤ ھەرێمێ!! کاودانێن ئابووری ب شێوەکێ مەترسیدار بەر ب خرابوونێ ڤە چوون و بوونە مەترسیەکا مەزن ل سەر ھەبوون و مانا ھەرێمێ تا ھەڤپەیمانیەک ب سەرۆکاتیا ئەمریکا دژی داعشێ ھاتە پێکئینان و د ھەوارا ھەرێمێ ھاتن و شیان ژ ڤێ مەترسیێ قورتال کەن!! ئەڤ ھەمی کێشە بۆ بێ پلانی و نەھزرکرن د پاشەرۆژێدا و پووتەنەدان و نەخورتکرنا کەرتێ تایبەت و دانانا کەسێ نەشیاو بۆ جھێ نەشیاو و چەندێن خالێن دی بوونە ھاریکار کو ئابوورێ ھەرێمێ بگەھیتە ڤی رادەیی و پێشڤەچوون ل ھەرێمێ بۆ چەندین سالان راگرت!! راستە دانا مووچان د ڤان کاودانێن ھەستیار دا و سەرەرایی قەیرانا دارایی و خەرجیێن پێشمەرگەیی!! دبیتە کارەکێ ئێکجار مەزن حوکمەت دکەت لێ دڤێت حوکمەت ب رژدی پشتی بدووماھیک ھاتنا ڤان کێشا و قەیرانا سیستەمەکێ دارایی و بانکی یێ موکم دانیت و بشێت خوە ل بەر قەیرانان بگریت بۆ دەمەکێ درێژ و سەر شنوو ھەیکەلێ ئیداری و دەزگەھێن حکومی دانیت و قانوونێن تایبەت دەرکەت کو ل پاشەرۆژێ ئەڤ کێشە و قەیرانە دوبارە نەبن!!
