چاره‌سه‌ریه‌كا خه‌له‌ت بو كێشه‌یه‌كا ره‌وا
خوانده‌نه‌ك بو ژیواری و چاره‌سه‌ریه‌ك بو قه‌یرانێ. .
ل ڤێ دوماهیێ چونا گه‌نجان بو ژ ده‌رڤه‌ی وه‌لاتی ب شێوه‌یه‌كێ به‌رچاڤ زێده‌بویه ، و دشێین بێژین ژ حاله‌تان بویه دیارده. . هه‌رگه‌نجه‌كێ پسیار ژێ بكه‌ی ؟ بوچی هه‌ڤالێن هه‌وه بریارا چونا ژ ده‌رڤه كریه د مێشكێ خودا ؟؟
به‌رسڤاوان یا بله‌ز و حازر ئه‌ڤه‌یه : ئه‌گه‌ر كار و دامه‌زراندن و پاره و موچه نه‌بن چ بكه‌ین ل ڤێرێ ؟
یا گه‌نج دبێژن راسته كار و دامه‌زراندن د كێمن و بوهنده‌كان هه‌ر نینن. .. به‌لێ پسیار ئه‌وه : ئه‌رێ ره‌ڤین ژ ژیواری و چونا ژ ده‌رڤه‌ی وه‌لاتی تاكه چاره‌سه‌ره بو ده‌رباز بون ژ ڤان قه‌یرانان ؟؟ ئه‌رێ دێ چینه ژ ده‌رڤه دا كار ب كه‌ین ؟ ئه‌رێ ره‌وشا وه‌لاتێن ئه‌وروپی وه كی سالێن بوری یه و ده‌لیڤێن كاری دزورن ؟ ئه‌رێ ئه‌و كارێن ل وێ رێ هه‌ین ل ڤێ رێ ژی نینن ؟ بوچی ئه‌م د به‌رهه‌ڤین بو بیانیان هه‌می كاران بكه‌ین و بو خو و ملله‌تێ خو د به‌رهه‌ڤ نینین ؟؟ ئه‌رێ هێلانا ئاخێ و وه‌لاتی و دوست و كه‌س و كاران هوسا یا ب ساناهی یه ؟. .. هتد.
ئه‌ڤ پسیاره و چه‌ندین پسیارێن دی پێتڤیه ئه‌و گه‌نجێن هزر د چونا ژ ده‌رڤه‌ی وه‌لاتی دا دكه‌ن به‌رسڤان بو دروست بكه‌ن پاشی بریارێ ل سه‌ر بده‌ن.
و به‌ری ڤێ هه‌میێ دێ بێژین كی به‌رپرسه ژ سه‌رهلدانا ڤێ دیاردێ ما نه حكومه‌تا هه‌رێمێ یه ؟؟. . و مانه ئه‌ركێ وێ یه كار و داهاته‌كی بو ڤان گه‌نجان دابین بكه‌ت ؟.. له‌وما دێ بێژمه گه‌نجان ل شوینا هوین ژ ژیواری ب ره‌ڤن ، پسیارا مافێن خو بكه‌ن. . و ب هێز ده‌رگه‌هێن حكومه‌تێ ب قوتن.
و دێ بێژمه حكومه‌تێ ژی : مانه ئه‌ركێ هه‌وه‌یه ده‌رفه‌تێن كاری و خوش گوزه‌رانیێ بو گه‌نج و هاولاتیێن ملله‌تێ خو دابین بكه‌ن ؟ ئه‌رێ هند زانكو و په‌یمانگه‌ه بوچی هاتینه ڤه‌كرن ئه‌گه‌ر كه‌س نه هێته دامه‌زراندن ؟ كانێنه ئه‌و سوزێن د بانگه‌شه‌یێن هه‌لبژارتنان دا د هاتنه دان ؟. ..
و ئه‌گه‌ر بهانه ئه‌و بیت كو ئه‌م یێ د قه‌یرانه‌كا ئابوری و شه‌ری دا د بورین ، من چوار پێشنیار یێن بو هه‌وه هه‌ین و چ بارگرانیێن ئابوری ل هه‌وه زێده نا كه‌ن. .
1-دویڤ چونه‌كا هویر ژبوی موچه‌یێن نه یاسایی (بن دیوار) بكه‌ن ل شوینا هه ر ئێك ژوان گه‌نجه‌كێ خوادان شیان و باوه‌رنامه ب دامه‌زرینن.
2-هه‌ر فه‌رمانبه‌ره‌كێ گه هشتیه ژیێ خانه‌نشینیێ (تقاعد) خانوبه‌ربكه‌ن و گه‌نجه‌كی ل جهێ وی ب دامه‌زرینن.
3- هه‌ر فه‌رمانبه‌ره‌ك یان حزبیه‌ك كو ژ موچه‌یه‌كی زێده‌تر هه‌بن موچه‌یێ باشتر بو ب هێلێن و یێ دی ببرن و ل شوینا كاری وی ده‌رفه‌تێ بو گه‌نجه‌كێ دی ب ره‌خسینن.
4-رێخوشكه‌ربن و هاریكاربن بو گه‌نجان ژبوی كاركرنێ د كه‌رتێ تایبه‌ت دا ل دویف باوه‌رنامه‌یێن وان. و ژبو ڤی كاری چه‌نیدین كومپانیێن وه‌به‌رهێنان و پیشه‌سازیێ ب دامه‌زرنینن یان ژی ژ ده‌رڤه بیننه دناڤ كوردستانێ دا. چونكه پتریا كومپانیێن ل كوردستانێ هه‌ین د ڤان بواران دا كارناكه‌ن و مه پێتڤی ب ڤان بواران یا هه‌ی ژ بوی دیتنا ده‌لیڤێن كاری بو گه‌نجان.
هیڤیدارم حكومه‌تا هه‌رێمێ ب ئه‌ركێ خو راببیت به‌رمبه‌ر گه‌نجێن وه‌لاتێ مه. . و گه‌نج ژی ژ بریارا خو لێڤه‌ببن و وه‌لاتی بجه نه هێلن ، دا كوردستانا خو یا ره‌نگین ئاڤه‌دان بكه‌ین ، و به‌ره‌ڤ سه‌ربه‌خو بونێ پێنگاڤان ب هاڤێژین. .
ئه‌ندامێ جڤاتا نوینه‌رێن عیراقێ
