داعش دو رێكخستیێن خوه یێن كورد ل موسل گوللـه‌بارانكرن
ئه‌ڤرو نیوز: بارزان مزوورى:
عصمت ره‌جه‌ب، به‌رپرسێ لقا 14 مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو 6 ئه‌یلولێ 2015، تیرورستێن داعش دوو رێكخستیێن خو یێن كورد گوله باران كرن ل ده‌ڤه‌را شه‌لالات ل نێزیك خورسه‌بات و ناوه‌ران ژبه‌ر كو خیانه‌ت ل وان كربوو پێزانین دگه‌هاندنه هێزێن ئیمناهیێ.
ناڤبرى دیار كر كو هه‌ر د هه‌مان روژدا هنده‌ك چه‌كدارێن نه‌نیاس هێرش كریه سه‌ر باره‌گایێ “خه‌نسا ” یێ ئافره‌تێن داعش ل ده‌ڤه‌را مووسلا نوى د ئه‌نجام دا شه‌ش چه‌كدارێن ئافره‌ت یێن ژن دهێنه كوشتن، ژلایه‌كێ دى ڤه دهه‌مان روژدا سه‌ركرده‌كێ داعش بناڤێ “ئه‌بو ئه‌نه‌س” ژنه‌ك ل ده‌ف خو ده‌سته‌سه‌ركر بو ژبو كارێ ” نیكاح ” ئه‌ڤه سێ هه‌یڤه ئه‌و ژن ل ده‌ف وى ده‌سته‌سه‌ركرى ئه‌ڤرو سپێدێ وێ ژنێ ئه‌و زه‌لام ئه‌بو ئه‌نه‌س ب چه‌كێ وى ڤه دناڤ مالا ویدا ل ده‌ڤه‌را تل رمان مووسل كوشتیه.
ناڤبرى گوت ژى كو دهه‌مان روژا هنده‌ك چه‌كدارێن نه‌نیاس هێرشه كره سه‌ر باره‌گایه‌كێ ل بازارێ كرین و فروتنا په‌زى ل ناڤ سه‌نته‌رێ مووسل د ئه‌نجام دا سێ داعش دهێنه كوشتن و سه‌ركرده‌یه‌كێ داعش بناڤێ “واسق خه‌لیل ئه‌حمه‌د ” به‌رپرسێ زالگه‌هێن ناڤ سه‌نته‌رێ مووسل دگه‌ل دوو هاریكارێن وى ژلایێ چه‌كدارێن نه‌یاس ڤه دهێنه كوشتن.
