میدیایێن ھندستانێ شارۆخانی تووڕە دکەن
ئه‌ڤرۆ نيوز:
ستێرا ناڤداریا جیھانی و پادشایێ بۆلیوودێ شارۆخان کو ل دھۆکی ب شەنگەر دھێتە نیاسین، ل مەدیاین ھندستانێ توڕە دبیت سەرا بەلاڤ کرنا وێنەیەکێ کوڕێ وی ل گەل کچەکا نمایشکارا جلوبەرگان ل ھیندستانێ.
کارونا، سکرتێرا تایبەت یا شارۆخانی بۆ رۆژناما تایمس ئۆف ئیندیا راگەھاندیە کو ب بەلاڤ کرنا وێنەیێ کوڕێ مەزنێ شارۆخانی ( ئاریان خان) ل گەل کچەکا نمایشکارا جلوبەرگان شارۆخان گەلەک تووڕە بوویە ژ دەستگەھێن راگەھاندنێ . کارونا زێدەتر گۆت: وەک د وێنەی دا دیارە دناڤ ترومبیلەکێ دا ئاریان خان و کچەکا نمایشکار پێکڤەنە بێ جلک و دەستگەھێن راگەھاندنێ بەلاڤ کرینە کو ئەو ھەردو پێکڤە دەمێن خوەش دبۆرینن. کارونا راگەھاند چو راستی بۆ وێنەی نینە، چونکی کوڕێ شارۆخانی ھێشتا تەمەنێ وی یێ بچووکە و نە گەھشیە وی رادەی ئەڤان کاران بکەت و ئەڤ وێنەژی ب فۆتۆ شۆپێ ژلایێ ھندەک نە حەزێن شارۆخانی ھاتیە چێکرن و ئەو چ جاران نەشێنە شارۆخانی لەورا ئەڤان کریاران دکەن. کارونای زێدەتر گوت نوکە شارۆخان نە بەس ل ھندستانێ ب ئەکتەرێ پلە ئێک دھێت ل ھەموو جیھانێ بوویە ئێک ژ بناڤ و دەنگ ترین ئەکتەر و خودانێ زۆرترین حەزژێکەرانە ئەڤ وێنەیێ ھاتیە بەلاڤ کرن ژی ھەتا کو ئەگەر راست ژی بیت تشتەکێ کەسایەتیە و ڤیایا راگەھاندنێ ھۆسا مەزن نەکربا. محمد عەلی شارۆخان ل دایکبوویا سالا ١٩٦٥ ل باژێری نیو دیلھی پایتەختێ ھندستانێ و نوکە وەکی ئەکتەر و سەما کەر و بەرھەم ھێن ل بۆلیوودی کار دکەت و ب ناسناڤێ پادشایێ بۆلیوودێ دھێتە نیاسین، ئێکە ژ ھەرە زەنگین ترین ئەکتەر ل جیھانێ کو خودانێ ٨٠٠ ملیۆن دۆلارانە و ئێکە ژ وان ٥٠ کەسان کو شیاینە کاریگەری لسەر ھەمی جیھانێ دروست بکەن ئەو شیایە ب فلمێن خۆیێن رۆمانسی و ئەکشن مەزنترین رێژەیا جەماوەری ل خۆ کۆم بکەت. شارۆخان لسەر دەمێ بەرنیاس بوونا خۆ حەز ژ کچەکێ دکەت بناڤێ( گۆری) ژبەر کو خێزانا کچێ ھیندۆس بوون رازی نەبوون کچا وان شوو ب شارۆخانی کەت، چونکی ئەو موسولمانە ل دوماھیی رازی بوون و نوکە شارۆخان و گۆری خودانێ ٣ زارۆکانن ٢ کوڕ و کچەک. ئاریان کوڕێ وان یێ مەزنە و نووکە ژیێ وی بوویە ١٧ سال و دەستگەھێن راگەھاندنێ ئەڤ وێنە لسەر وی بەلاڤ کرینە.
