زارۆيه‌كێ دى ژى گيانێ خوه ژ ده‌ست دا
ئەڤرۆ نیوز: لەزگین جۆقی:
پشتى شڤێدى ئاگر به‌ربوويه خيڤه‌ته‌كێ ل كه‌مپا خانكێ و تێدا دو زارۆيان گيانێ خوه ژ ده‌ست داين و ئێك ب گرانى بريندار بووى ل گه‌ل شه‌ش كه‌سێن دى، ئه‌ڤرۆ زارۆ ته‌مام بوو.
ئەندامێ لژنا پیشوازیا ئاوەریان ل کۆمەلگەھا خانکێ بۆ ئەڤرۆ نیوز دیارکر کو شەڤا بۆری ئاگر بەربوو خیڤەتەکا ئاوەریان ل کەمپا خانکێ د ئەنجام دا سێ زارۆ بوونە قوربانی کو دو ژ وان کچ بوون و ئێک ژى کوڕ بوو، کچەکا شەش سالی و ئێکا چاار سالی و زارۆیەکێ دو سالی كو هاتبوونه سۆتن.
پیر دەیان ئەو ژی خۆیا کر کو نوکە ب شێوەیەکی گشتی رەوشا ئاوەریان ژ بەر باران بارینێ نەیا باشە و ئاوەریان زۆر پێدڤی دوشەک و بەتەنی و گازا سپی و سۆپەیان ھەیە دا و گۆت: “ژئەنجامێ ھەلگرنا شەمالکه‌كێ ئاگر بەر بوو خیڤەتەکێ کو دایک و بابێن زارۆیان نە دبن ڤە بوون، د ئەنجام دا سێ زارۆیان گیانێ خوە ژ دەست دا”.
هه‌ر چه‌نده پێشتر پير ده‌يان بۆ ئه‌ڤرۆ نيوز دياركربوو كو حه‌فت بريندار ببوون و دو كه‌سان گيانێ خوه ژ ده‌ست دابوو و برينا كه‌سه‌كى يا كوور بوو، به‌لێ نوكه ديار دكه‌ت كو ب تنێ سێ كه‌س ل بن خيڤه‌تێ بوون و هه‌ر سێيان نوكه گيانێ خوه ژ ده‌ست دايه و گۆت: “خێزانا وان ژ پێنج كه‌سان پێك دهات، سێ زارۆ و دايك و باب”.
