هه‌رێما كوردستانێ ل سه‌ر هنارتنا چه‌كى بۆ كۆبانێ رۆهنكرنه‌ك به‌لاڤكر
ئه‌ڤرۆ نيوز:
سه‌رۆكاتيا هه‌رێما كوردستانێ ل سه‌ر مالپه‌رێ خوه يێ فه‌رمى رۆهنكرنه‌ك ل سه‌ر هنارتنا چه‌كى بۆ كۆبانێ به‌لاڤكر و تێدا سۆپاسيا ئه‌مريكا كر بۆ گه‌هاندنا وان هاريكاريان بۆ كۆبانێ.
د رۆهنكرنه‌كێ دا كو ل مالپه‌رێ خوه يێ فه‌رمى يێ سه‌رۆكاتيا هه‌رێما كوردستانێ به‌لاڤكريه، تێدا مه‌سعود بارزانى، سه‌رۆكێ هه‌رێما كوردستانێ دبێژيت: “پشتى بزاڤێن به‌رده‌وامێن هه‌رێما كوردستانێ بۆ پشته‌ڤانيكرنا كۆبانێ و رۆژئاڤايێ كوردستانێ و ديسا بڕيارا تۆپبارانكرنا بنگه‌هێن داعش ل كۆبانێ ژ لايێ هێزێن هه‌پڤه‌يمانان، ئه‌ڤرۆ رۆژا دوشه‌مبى 20\10\2014 چه‌ك و ته‌قه‌مه‌نى و هاريكاريێن هه‌رێما كوردستانێ ب رێيا فرۆكێن ئه‌مريكا گه‌هشتنه باژێرێ كۆبانێ”.
ديسا ژى دبێژيت: “سه‌رۆكاتيا هه‌رێما كوردستانێ سۆپاسيا وه‌لاتێن ئێكگرتى يێن ئه‌مريكا دكه‌ت بۆ گه‌هاندنا چه‌ك و ته‌قه‌مه‌نيان و هاريكاريێن هه‌رێما كوردستانێ د رێيا ئه‌سمانى بۆ كۆبانێ برين، دا كو ئه‌و قه‌هره‌مانێن ل كۆبانێ به‌ره‌ڤانيێ دكه‌ن، بشێن مفاى ژ وان چه‌ك و هاريكاريا وه‌رگرن”.
ده‌قێ رۆهنكرنێ:
شتى بزاڤێن به‌رده‌وامێن هه‌رێما كوردستانێ بۆ پشته‌ڤانيكرنا كۆبانێ و رۆژئاڤايێ كوردستانێ و ديسا بڕيارا تۆپبارانكرنا بنگه‌هێن داعش ل كۆبانێ ژ لايێ هێزێن هه‌پڤه‌يمانان، ئه‌ڤرۆ رۆژا دوشه‌مبى 20\10\2014 چه‌ك و ته‌قه‌مه‌نى و هاريكاريێن هه‌رێما كوردستانێ ب رێيا فرۆكێن ئه‌مريكا گه‌هشتنه باژێرێ كۆبانێ.
سه‌رۆكاتيا هه‌رێما كوردستانێ سۆپاسيا وه‌لاتێن ئێكگرتى يێن ئه‌مريكا دكه‌ت بۆ گه‌هاندنا چه‌ك و ته‌قه‌مه‌نيان و هاريكاريێن هه‌رێما كوردستانێ د رێيا ئه‌سمانى بۆ كۆبانێ برين، دا كو ئه‌و قه‌هره‌مانێن ل كۆبانێ به‌ره‌ڤانيێ دكه‌ن، بشێن مفاى ژ وان چه‌ك و هاريكاريا وه‌رگرن.
سه‌رۆكاتيا هه‌رێما كوردستانێ
20ـی 10ـی 2014
