پارتی.. . چ ئهلتهرناتیڤ نینن
ئاخفتن ل سهر باشوورێ كوردستانێ گهلهك ژ وێ چهندێ مهزنتره كو ئهم رۆژانه باسێ مووچهی، نهڕازیبوونێ، سازانا لایهنێن سیاسی، نهدادپهروهریا دهستهڵاتێ و ئهڤان جۆره مژاران بكهن.
ئاخفتن ل سهر كێشێن ڕۆژانه بهایێ خۆ ژدهستدایه. سادهترین كهسێ ناڤ جڤاكی، ژ زارۆكی، پیر، ژن، كاركهر، فهرمانبهر ههتا مهلایان ژی، ل گهل باخڤه، گهلهك باشتر ژ ڕهوشهنبیرو نڤیسهر و سیاسهتمهداران ئهڤان كێشهیان بۆ ته باس دكهن، چونكو ئهو ب خوه رۆژانه ب ئازار و نهخوهشیان ژیان دكهن.
مه چ پێویستی ب فهیلهسۆف و بلیمهتێن مهزن نینه، ههتا كێشه و رێچارهیان بۆ مه دیاربكهن. هندهك ژ ڕهوشهنبیرێن مه و ژ وانا ئهز، یا ژ ئهوانڤه تشتان دبێژن لێ ههر ڤهجوونه و چ تشتێ تازه نابێژن.
هندهك ژ وان، ل چوارچووڤهكێ بهرفرههێ هزری دا كێشا بنهڕهتی دیار دكهن، لێ دبێژنه مه ئهڤ جۆره دهرمانه ئهوێن كو ههنه چارهسهریا ئهوێ نهخوهشیێ ناكهن. وهسا دبینن، كو د ڤێ سیستهمێ خوه پاراستنێ ب هێزتر بكهن، ژ بۆنا وێ چهندێ ب دروستی ژ نهخۆشیێ ئهم ڕزگارببن، بێی ل بهرچاڤگرتنا وێ چهندێ كو ڤایرۆسێن نهخوهشیێ گهلهك ژ سیستهمێ خوهپاراستنێ كاراترن.
ههگهر كێشا مه ژی، وهك یا ههموو جیهانێ، ههمان كێشا سیستهمێ جیهانیێ بندهستێ سهرمایهداری به، ئهڤه كارڵ ماركس سهد و پێنجی سالان بهری نها، تیۆر بۆ دانایه ل گوورهی خوه میكانیزما گهۆڕینێ ژی بۆ دیاركریه.
هندهك ڕهوشهنبیرێن دی ژی، میكانیزمهكا جوداتر، ژ یا خهڵكێ سهرجادێ، ب بیر ناهێ. دبێژنه مه ”بلا ئهو نهخوهش ههر چ دهرمانێ ل بهر دهسته ب كار بینه، ههتا ههگهر ب مرنا خوهژی ئهنجامگربه. ” ئهڤه ژی تهنێ تراژیدیا بازنا داخستییا قوربانی و سهربڕییه.
بزاڤا كوردایهتیێ ل باشوورێ كوردستانێ، تشتهكێ تازه نینه كو ئهڤڕۆ خهلك ب گشتی و كهسێن سیاسی و ڕهوشهنبیر ب تایبهتی، ههست پێ كربه، بهری هنگی ژی، بزاڤ و تهیارێن جودا ل ناڤ ههر وێ بزاڤێ دهركهتینه، لێ نهكارینه پهیاما خوه بگههینن و سهرتیرا وان ب كهڤری كهتیه.
ئهڤێ هزرا ل هندوری پێكهاتهیا دهستهلاتا چینایهتیا جڤاكێ مه، ههر ژ دهستپێكا بزاڤا كوردایهتیێ، ژ رێبهرێ گهلێ كورد مهلا مستهفا بارزانی و شووندا، ئهم دشێین بێژن بهری هنگی ژی ئهڤ رهنگه گرتیه، لێ ئهوێن ل بهرامبهر دهركهتین، ئیرادهیهكا ب هێز نهبوو، دیسان باوهری ب سهركهتنێ نهبوو. ههر دهمهكێ ڤیابان ل بهرامبهر راوهستابان نهدشیان چ بكهن و و و.. .
ئیبراهیم ئهحمهد، یهكهم كهس بوو كو گۆتی نهخێر، لێ نه میكانیزمهكا باشتر ههبوو و نه ئیرادهكا وهسا ژی ههبوو كو خوه ل بهرامبهر دا بگره. چارهنڤیسێ وی بوو خوه ڕادهستكرنا دوژمنی و مهلا مستهفا ژی بوو سهرۆكێ مێژوویی.
جهلال تالهبانی ژی، وهك درێژهپێدهرێ ئیبراهیم ئهحمهد دهركهت هۆلێ، لێ ههرگیز نهشیا خوه ژ پارتی داببڕه، سهرهڕای بهردهستبوونا ههموو شیانان، ئیرادا وی نیشا نهدا كو بكاره تشتهكی بكه، دبه جهلال تاڵهبانی ژی، باكگراوندهكێ چینایهتی ههبه، ژ بهر هندێ نهشیا چ بكه و خوه رادهستكر.
لۆژیكا ” دهستهكی نهشێم ببڕم، باشتره ماچی بكهم ” نها نه ههرپارت و كهسایهتیێن سیاسی، بهلكو ڕهوشهنبیر و نڤیسهر ژی ڤهگرتینه. و یا بوویه كلتوورێ پڕانیا جڤاكێ مه.
ههتا ئهڤرۆ ژی پارتی و بارزانی، نوونهراتیا سهرهكی یا پێكهاتهیا جڤاكی و كوردایهتی دكهن.
لهورا گردبوونهڤهیا ئهوان ههموو پارت و رهوشهنبیر و قهلهمان، ڕاستهوخوه و ناڕاستهوخوه، ل دۆر پارتی ئهنجامدایه، و پارتی گهلهك ب ساناهی شیا ب سهدان هزرڤانان ل ناڤ جڤاكی دا بچینه.
ههبوونا ب دههان پارتێن سیاسی ل باشوورێ كوردستانێ، دهربڕینێ ژ فرهحزبی و پێشكهتنا جڤاكی ناكه. سهركرده و بیرمهندێن پارتێن خوه ناڤ دكهن ب رادیكال و سۆسیال دیموكرات و ئیسلامی، رۆلێ ئهوان ل ئاستێ ههرێمی و جیهانی كانێ؟ یێ تێك دهێن و تێك دچن نهشێن چ بكهن، كهسێ مینا شههید سامی عهبدوڕهحمان و پارتی گهل خوه شهپرزه نهكر، ل داویێ دبێژن “بالنده چهند بفڕه ههر وێ ڤهگهڕه سهر هێلیڤانكا خوه”.
دێ بینین مهزنترین سهرمایهدار كۆمۆنیسته. دبێژه ب دههان كهسێن وهك خوه “بورژوازی” و ئهو بورژوازی گهلهك ژێ ل ناڤ پارتێن كۆمۆنیست و چهپ دا بهرپرسن. وهكی سهرۆك هۆز رهفتارا رۆژانه ل گهل ههڤالێن خوه و خهلكی دكهن و سهرۆكێ پارتهكا چهپه و خوه ب نوونهرێ زهحمهتكێشان دزانه. مامۆستایێ زانكۆیێ یه، دادوهره، خوهدی كۆچكه و كۆنفرانسێ عهشیرهتگهریێ ب ڕێڤه دهبه!!
یهك خودێ، یهك قورئان و یهك پێغهمبهر ههیه، دههان پارتێن ئیسلامی ههنه.
به دههان سیاسهتڤان و ڤهكۆڵهران ژی بینه، دوسالان دهمی پێ بده، نهشێن دو لاپهڕان ل سهر جوداهیا نێڤبهرا ئهڤان پارتان بنڤیسن، كهواته ئهڤ فره حیزبییه بۆچییه؟
ل دهمێ خوهدا كۆمهلا ڕهنجدهران، هیڤیهك تێدا ههبوو كو خوه ژ هزرا كهڤناره رزگار بكه، لێ ئهو ژی ل سهر دهستێ تاڵهبانی و نهوشێروان مستهفای ئێخسته ل ناڤ ههمان بازنێ دا. ئهڤا نها نهوشێروان مستهفا كاری ژێرا دكه، ههگهر ڕاستهوخوه ژی نهبه، ئهڤه نهڕاستهوخوه، ههر د كهڤه خزمهتا وێ هێلا هزركرنێ. دیسان خهونێن بزاڤا گۆڕان ب سهربخوه فرۆشتنا نهفتێ ودهوڵهتا پارتی، ههر دهرئهنجامێ وێ هزرێ یه!!.
نها ل باشوورێ كوردستانێ، پێویسته خوه ژ وێ هزرێ ڕزگار بكهن. چوونا سهرجادهیا ههرهمهكی ب خوه پشكهكه ژ وێ هزرێ. كو داگیركهرێن كوردستانێ ژێ نهترساینه و تهنا نڤستینه.
نسكۆیا (75) ێ، دانوستانا یان خوهدانهدهستا (83) ێ، ماچ و مۆچێن (91)ێ ل گهڵ سهددام و و و.. . ، ههموو نموونێن ئهوێ تراژیدیێنه!!
مه ههتا نها دهستوور و سیستهمهكێ چوارچووڤهكێ یاسایی و كارپێكری نینه، ههتا چین و توێژێن جودا جودا ململانێیا دیموكراتیانه تێ دا بكهن. ئهڤه مه دیت كا چاوا پارتی ل شهڤ و رۆژهكێ دا پهرده ل سهر درهوێن ههموو سازیان لادا!!.
لهورا ب دیتنا من چ بزاڤ ل باشوورێ كوردستانێ نهشیانه ببنه ئهلتهرناتیڤێن پارتی. ئهڤه ژی ب بزاڤا گۆڕان ناهێته كرن، یا كو بوویه لاندكا وان ههلپهرستێن كو ب دووڤ مووچهیێ پهرلهمانتاری و وهزیری و ڕاوێژكاریڤه خوه دههلاڤێژن. ئهڤه وهسا دهركهت كو پهرلهمان تهنێ جهێ مووچهیێن بلنده و خوهلی پێوهركرنا چاڤێن خهلكییه، نه وهك جهێ كارێ یاسادانانێ.
مه ل باشوور پێویستی ب لادانا ماسكانه ل سهر ڕووێ وان ئهوێن ” ل گهڵ گورگی دخۆن و ل گهڵ بزنێ ژی ڤهدكێن” و ب بێ شیانا لادانا وان ماسكان، گهل ههر وێ ببه نێچیرا وێ هزرا تێكدهر.
