كورد و شیعه‌ ژ ناكوكیێن سیاسی و ئابوری به‌ره‌ف شه‌ری !!!

بدرێژیا مێژوویا عیراقێ، كوردا و شیعا هه‌رده‌م ناكوَكی دگه‌ل ده‌ستهه‌لاتدارێن به‌غدا هه‌بوون و هه‌رده‌م كوردان خوه‌ دیت وه‌ك نه‌ته‌وه‌كا سته‌م لێكری و شیعا خوه‌ دیت وه‌ك مه‌زهه‌به‌كێ سته‌م لێكری و بدروستی ژی ریژێمن عیراقێ ئێك ل دووف ئێكێ سته‌مه‌كا زور ل شیعا و كوردان كریه‌ تایبه‌ت سه‌رده‌مێ پارتا به‌عس !! زوَربه‌یی پارتێن سیاسی یێن شیعی ئیرانێ دروستكرینه‌ تایبه‌ت د سالێن هه‌شتیاندا بوَ دژایه‌تیكرنا رێژێما به‌عس و سنوورێ وان یێ چالاكیا ل سوریێ و هه‌رێما كوردستانێ بوو، لێ پشتی سه‌رهلدانا سالا 1991 و كوچا مه‌لیونی یاكوردا و ژ ناڤبرنا سه‌رهلدانا شیعا ل باشورێ عیراقێ وه‌لاتێن زلهیز هه‌ولدان پارتێن دژی ده‌ستهه‌لاتا به‌عسیا ل بن چه‌تره‌كێ خرڤه‌كه‌ن، بناڤێ ئوپۆزسیونێ و چه‌ندین دیدار و روونشتن د ناڤبه‌را وان دا هاتنه‌ كرن تا به‌ری روخیانا عیراقێ لسالا 2003 دووجارا ئه‌ڤ پارت و لایه‌نانه‌ كوَمبوون، جاره‌كێ ل پایته‌ختێ بریتانیا له‌نده‌ن و جاره‌كێ ل هه‌ڤینگه‌ها سه‌لاحه‌دین ل كوردستانێ !! پشتی ڤان هه‌ردوو كونگرا به‌رنامه‌ك هاته‌ دارێتن بوَ رێڤه‌برنا عیراقێ پشتی ژ ناڤ چوونا پارتا به‌عس و كورد و شیعه‌ بوونه‌ هێزن هه‌ره‌ سه‌ره‌كی د رێڤه‌برن و سیاسه‌تا عێراقێ دا و ده‌ستوره‌ك بوَ عیراقێ هاته‌ نڤێسین و په‌سه‌ندكرن به‌لێ هه‌ر زوو پشتی په‌سه‌ندبوونا ده‌ستووری ناكوكیا د ناڤبه‌را هه‌موو لایه‌نا دا سه‌رهلدا تایبه‌ت د ناڤبه‌را كوردا و شیعا دا ب تایبه‌ت ل سه‌ر جێ به‌جێكرنا مادێ 140 یێ ده‌ستووری كو فه‌ره‌بوو برێیا ڤێ مادێ كێشا كه‌ركوكێ و ناوچێن دی یێن كوردستانێ بیته‌ چاره‌كرن به‌لێ مخابن ناكوَكی به‌ره‌ڤ دژواریێ چوون و كێشه‌ چاره‌سه‌ر نه‌بوون !! ناكوكێن د ناڤبه‌را كوردا و شیعا هه‌ر به‌ره‌ف كوورتر لێهاتنێ ڤه‌چوون ب تایبه‌ت پشتی بوهارا عه‌ره‌بی گه‌هشتیه‌ سوریێ و خوه‌پیشاندن دژی رێژێما سوریێ هاتینه‌ كرن و زوَربه‌یی پارێزگه‌هن سوریا ڤه‌گرتین و رێژێما ئه‌سه‌دی هاتیه‌ سه‌ر لێوارێ كه‌تنێ، و ئیران ژی هاته‌ سه‌ر هێلێ و بهه‌موو ره‌نگا پشته‌ڤانیا سوریێ كر چنكو مالا ئه‌سه‌دی شیعه‌ مه‌زهه‌بن و گڤاشتن ئێخستنه‌ سه‌ر عیراقێ و هه‌رێمێ بوَ پشته‌ڤانیكرنا رێژێما سوریێ و حكومه‌تا به‌غدا زوَربه‌یی داهاتێ وێ بوَ ئیرانێ و سوریێ چوو بوَ خزمه‌تكرن و مانا شیعا لده‌ستهه‌لاتێ به‌لێ سه‌ركردایه‌تیا كوردی رازینه‌بوو ب چ ره‌نگا ببیته‌ لایه‌نه‌ك ژ ناكوَكیێن ده‌ڤه‌رێدا هه‌ین !! ئه‌وبو ئیرانێ ده‌ست بگڤشتنا سه‌ر هه‌رێمێ كر بوَ ڤه‌كرنا رێكه‌كێ د ناڤبه‌را ئیرانێ و سوریێ دا برێكا هه‌رێما كوردستانێ به‌لێ هه‌موو هه‌ولێت وێ سه‌رنه‌گرتن ئه‌وبوو برێیا به‌غدا ئوپه‌راسیونێن له‌شكه‌ری چێكرن وه‌كی دیجله‌ و جه‌زیره‌ و بادیه‌ و چه‌ندین میلیشاتێن دی یێن شیعی دروستكرن بوَ تولڤه‌كرن ژ سونێن عیراقێ و ببنه‌ گه‌ف لسه‌ر كوردان، به‌لێ دیسا هه‌ر هه‌ولێت وان سه‌رنه‌گرتن!! ل دووف دا مووچه‌و بوَدجا هه‌رێمێ هاته‌ بڕین و چه‌ندین گڤاشتنێن دی ئێخستنه‌ سه‌ر هه‌رێمێ، ئه‌ڤه‌ ئه‌گه‌ر ئه‌م بزانین كو ئیران یا عیراقێ ژی بریڤه‌ دبه‌ت چنكو شیعه‌ ده‌ستهه‌لاتدارن لعیراقێ !!! پشتی په‌یدابونا داعش و كونتروَلكرنا وێ بوَ چه‌ندین پارێزگه‌هێن سوریا و عیراقێ و روخیانا له‌شكه‌رێ عیراقێ و داعش بوویه‌ مه‌ترسیه‌كا مه‌زن لسه‌ر هه‌موو ده‌ڤه‌رێ. مه‌رجه‌عێن شیعا فه‌توا د اكو حه‌شدا شه‌عبی دروستكه‌ن به‌رامبه‌ر داعش به‌لێ ئه‌و بخوه‌ حه‌شدا شیعی یه‌ و هه‌ر دیسا ئه‌و میلیشاتێن شیعه‌نه‌ وه‌كو رێكخراوا به‌در و جه‌یش المه‌هدی و حزبوالله یاعراقی و ئه‌هل الحه‌ق هه‌می ل بن چه‌ترا حه‌شدا شه‌عبی خرڤه‌كرن و چارچوڤه‌كێ یاسایی دایی و خه‌رجیێن وێ ئێخستنه‌ بال حكومه‌تێ و نوكه‌ بویه‌ شوینگرا له‌شكرێ عیراقێ !! ئیران برێیا چه‌ند لایه‌نه‌كێن كوردی و بهاریكاریا به‌غدا شیا حه‌شدا شه‌عبی لچه‌ندین ده‌ڤه‌رێن مادێ 140 دروست كه‌ت وه‌كی دووزخورماتو و جه‌لولا و سه‌عدیه‌ و چه‌ندین ده‌ڤه‌رێن دی و زوَر هه‌لودان ل شنگالێ ژی دروستكه‌ن به‌لێ نه‌شیان و هه‌می هه‌ولێن ئیرانێ ئه‌وبوون كو رێیه‌كا زه‌مینی د ناڤبه‌را ئیرانێ و سوریێ دا ڤه‌كه‌ت و چه‌ندین ده‌ڤه‌رێن مادێ 140 ژ بن رێكڤا كوردان ده‌ربێخیت تایبه‌ت پشتی كه‌ركوك بتمامی كه‌تیه‌ ده‌ستێن پێشمه‌رگه‌یی به‌لێ هه‌می هه‌ولێن وێ شه‌كه‌ستن ئینا !!
پشتی پێشمه‌رگه‌یی چه‌ندین ده‌ڤه‌رێن گرنگ ژ داعش پاقژ كرین تایبه‌ت شنگال هه‌ر زوی سه‌ركردێن شیعا لعیراقێ و ده‌ستهه‌لادارێن ئیرانێ مه‌ترسیا ڤێ چه‌ندێ زانی و دووماهیك وه‌رقا خوه‌ دژی كوردان بكار ئینا ئه‌وژی هاندانا حه‌شدا شیعی یه‌ دژی كوردان ئه‌ڤه‌ پشتی هه‌موو هه‌ولن وێ بوَ دروستكرن و ڤێكرا به‌ردانا پارتێن كوردی ژی شكه‌ستن ئینایی !!
له‌ورا ئه‌و ئالوزی و گرژیا نوكه‌ هه‌یی ل قه‌زا دووزخورماتو بتنێ بوَ هندێ یه‌ كوردان ژ وان ده‌ڤه‌ران دوور بێخن و رێیه‌كا زه‌مینی د ناڤبه‌را ئیرانێ و سوریێ دا ڤه‌كه‌ن و گڤاشتنێن مه‌زن بێخنه‌ سه‌ر پارێزگه‌ها كه‌ركوكێ و كوردان راكێشنه‌ د ناڤ شه‌ره‌كی دا كو دووماهیك بوَ نه‌بیت ئه‌وژی شه‌ری نه‌ته‌وه‌یی و تایفی یه‌ !! له‌ورا دڤێت سه‌ركردایه‌تیا كوردی زوَر ب هشیاری سه‌ر ڤێ كێشێ راوه‌ستیت تاكو مه‌ترسیا دوو شه‌را ل سه‌ر كوردان دوور بێخیت كو ئه‌وژی شه‌رێ داعشه‌ و شه‌رێ شیعا !!!!

کۆمێنتا تە