ب وێنە: زاخۆ نێزیکی ئیمزاکرنا ھەڤبەستا یاریکەرەکێ خولا سوید بووی یە
ئەڤرۆ نیوز، ھەژار مەعروف:
ماوێ چەند رۆژانە یاریکەرێ کورد و یانا ئلفسورگ یا سویدی ئاریان مستەفا پەیوەندی ب یانا زاخۆ کری یە ل وەلاتێ تورکیا ب مەرەما پشکداری کرنێ د کەمپا راھێنانی یا تیما زاخۆ دا ئەوا نوکە ل باژێرێ ئەنتالیا .
ژێدەرەکێ نێزیک ژ یانا زاخۆ بۆ ئەڤرۆ نیوز دیارکر یاریکەرێ ناڤبری ماوێ چەند رۆژانە ل بن تاقیکرنا راھێنەرێ رومانی یێ تیما زاخۆ ڤە یە و بریارە ل دووماھیا کەمپا راھێنانی بریار ل سەر ئاستێ وی بھێـتەدانێ .
ھەمان ژێدەر ئەو چەندە ژی دیارکر ھەتارادەکی ئاستێ ئاریان مستەفا یێ باشە و دبیت ھەڤبەست ل گەل بھێتە ئیمزاکرن پشتی تیم ژ کەمپا خوە یا راھێنانی ب ڤەگەریت ل وەلاتێ تورکیا.
ھەژی گوتنێ یە ئاریان مستەفا کوردە و خەلکێ باژێرێ کەرکوکێ یە ل وەلاتێ سوید مەزن بووی یە و دەستپێکا ژیانا خوە یا وەرزشی ل گەل تیمێن پێگەھشتیان و لاوێن یانا ئلفسبورگ یا سویدی دەستپێکی یە و ل وەرزێ ئەڤ سالە ھاتبو سەرێخستن بۆ تیما ئێکێ، لێ نەشیابوو پشکداریێ د چو یاریێن تیمێ دا بکەت دخولا پلا نایاب و ژبەرکو راھێنەرێ تیمێ دەلیڤە نەدابووی یێ .
ئاریان مستەفا ل گەل پێکھاتیێ سەرەکی یێ ھەلبژارتیێ عیراقێ ژمارە ٧ کو بەری نوکە ھاتبو داخوازکرن بۆ پێکھاتیێ ھەلبژارتیێ ئێکێ عیراقێ
ئاریان مستەفا ل گەل پێکھاتیێ ئولومپی عیراقێ ژمارە ٢٧
ژبەر نە پشکداریا وی د پێکھاتیێ تیما ئێکێ دا بریار دا یە تیما سویدی ب جھـ بھێلت
