مه‌ره‌ما سه‌ره‌دانا سه‌رۆكى بۆ ئيمارات ئاشكه‌را بوو
ئه‌ڤرۆ نيوز:
د سه‌ره‌دانا خوه دا، بڕياره سه‌رۆكێ هه‌رێما كوردستانێ سه‌ره‌دانا هه‌ر ئێك ژ وه‌لاتێن سعودى و ئيمارات بكه‌ت و شيره‌تكارێ راگه‌هاندنێ يێ سه‌رۆكێ هه‌رێمێ ژى مه‌ره‌ما سه‌ره‌دانا وى بۆ وان هه‌ردو وه‌لاتان ئاشكه‌را دكه‌ت.
دوهى رۆژا شه‌مبى سه‌رۆكێ هه‌رێما كوردستانێ مه‌سعود بارزانى ب سه‌ره‌دانه‌كا فه‌رمى به‌ر ب وه‌لاتێن كه‌نداڤى چوو و بڕياره ئه‌ڤ سه‌ره‌دانه چه‌ند رۆژه‌كان ڤه‌كێشيت.
كيفاح شنگالى شيره‌تكارێ سه‌رۆكێ هه‌رێما كوردستانێ بۆ كاروبارێن راگه‌هاندنێ د داخۆيانيه‌كێ دا بۆ باسنيوز راگه‌هاند: مه‌ره‌م ژ سه‌ره‌دانا سه‌رۆكێ هه‌رێما كوردستانێ بۆ وه‌لاتێ ئيمارات به‌حسكرنا ره‌وشا روو ب رووبوونا تيرۆرێ يه كو هه‌ردو د هه‌ڤپه‌ميانيا نێڤده‌وله‌تى دا د پشكدارن.
زێده‌تر گۆت: “مه‌ره‌مه‌كا دى يا سه‌ره‌دانا سه‌رۆكێ هه‌رێما كوردستانێ ئه‌وه كو وه‌لاتێن كه‌نداڤى هان بده‌ت وه‌به‌رهێنانێ ل هه‌رێما كوردستانێ بكه‌ن و ب تايبه‌ت ژى وه‌لاتێ ئيمارات و وه‌به‌رهێنانا ئيمارات ل كوردستانێ يا گرنگه”.