ب وێنە دھۆکێ نەھـ یاریکەر بۆ تیما خۆلا عیراقێ زێدەکرن

ئەڤرۆ نیوز، ھەژار مەعروف:

پشتی ل ماوێ بوری دەستەیا کارگێریا یانا دھۆک ئاشتی مستەفا وەکو راھێنەرێ تیما ئێکێ یێ خۆلا عیراقێ دەست نیشانکری و ل گەل ھاتنا راھێنەرێ ناڤبری بۆ تیما خۆلا عیراقێ پێنج یاریکەر ل گەل خوە ژ تیما کوردستانێ بۆ تیما خۆلا عیراقێ یا دھۆکێ سەرئێخستن .

ئەو یاریکەرێن ھاتینە سەرئێخستن ل ھێلا ناڤین و بەرەڤانیێ یاریێ کەن ئەوژی محەمەد ھیلال، ھارون ئەحمەد، عەبدولکەریم سائير، شیمال خورشید و شفان محەمەد و زێدەباری چار یاریکەرێن ھەڤبەست ل گەل ھاتینە ئیمزاکرن ژ دەرڤەی ھەرێمێ ئەوژی ھەردو پیشەکاران یێ سوری ئەحمەد دونی و یێ غانی سالومون تاجی و ھەردو یاریکەرێن عیراقی سەلاح ھیلال و ئەحمەد ئیبراھیم.

شیمال خورشید دەستپێکا خوە یا وەرزشی ل تیما لاوێن دھۆک و تیما کوردستانێ یا دھۆکێ کری یە وەرزێ ٢١٣-٢٠١٤ یاری ل زاخۆ کر وەرزێ ٢٠١٤-٢٠١٥ یاری ل گەل تیما زێرەڤانی کر ل وەرزێ ئەڤ سالە جارەکا دی ڤەگەریا تیما دھۆکێ یا خۆلا کوردستانێ

محەمەد ھیلال دەستپێکا ژیانا خوە یا وەرزشی ل گەل پێگەھشتی و لاوێن زێرەڤانی دەستپێکر بۆ ل وەرزێ ئەڤ سالە پەیوەندی ب تیما خۆلا کوردستانێ یا دھۆکێ کر بوو

ھاروان ئەحمەد خەلکێ دەڤەرا ئاکرێ یە و یاری ل تیما لاوێن دھۆکێ کری یە ل وەرزێ ئەڤ سالە ھاتبو سەرئێخستن بۆ تیما خۆلا کوردستانێ

عەبدولکەریم بەری نوکە یاری ل لاوێن یانا دھۆک و پێگەھشتێن دھۆکێ یاری کری یە

شڤان محەمەد یاریکەرێ خودان شارازا دخۆلا عیراقێ و کوردستانێ دا بەری نوکە یاری ل تیما پیرس و سێمێل دخۆلا عیراقێ دا کری یە و زێدەتر ژ چار سالانە بەردەوامە ل گەل یانا دھۆک

ئەحمەد دونی یاریکەرێ ھەلبژارتیێ سوریا و بەری نوکە یاری ل یانێن رەفاع یا بەحرینی و جەویە و زەورا دھۆک یاری کری یە دخۆلا عیراقێ دا

ئەحمەد ئیبراھیم و سەلاح ھیلال ھەردو یاریکەرێن ڤێ دووماھیێ ھەڤبەست ل گەل ھاتیە ئیمزاکرن کو ئەحمەد ئیبراھیم یاری ل یانێن زەورا زاخۆ نەفت نەجەف کری یە و سەلاح ھیلال یاری ل  مسافی و جەویە تەلەبە و حدود سلیمانیێ یاری کری یە

سالومون تاجی یاریکەرێ پیشەکارێ غانی  دایکبوویێ ١٩٩٢ و یاری بەری نوکە ل خولا تاچاگستان و ئوردون جورجیا کری یە

کۆمێنتا تە