ب ڤیدیو ستێرەکا کورد د بوندس لیگ و چامپیونس لیگ بینە
ئەڤرۆ نیوز، ھەژار مەعروف:
یاریکەرێن کورد ئەوێن ئاکنجی ل وەلاتێن ئورۆپا دا سال بۆ سالێ ھژمارا ئەوان زێدەتر لێ دھێن و نوکە ھژمارەکا مەزن یا یاریکەرێن کورد دخولێن مەزن یێن ئورۆپی دا یاریێ کەن ، ل وەرزێ ئەڤ سالە ژی یاریکەرەکێ کورد شیا جھێ خوە د پێکھاتیێ سەرەکی یێ یانا بروسیا مونشنگلادباغ بکەت د یاریێن بۆندس لیگا ئەلمانی و یاریێن قارەمانيا چامپیونس لیگ .
مەحمود داود یاریکەرێ کورد و خەلکێ باژێرێ عامودێ یێ رۆژئاڤایێ کوردستانێ ل وەرزێ ئەڤ سالە ئێک ژ ستێرین یانا خوە یە دخۆلا بوند لیگا دا نوکە تیما وى ل رێزا سێ دلیستەیا خولێ دا و یاریکەرێ کورد ژی رولەکێ مەزن د ئەنجامێن سەرکەفتی یێن یانا خوە دا ھەنە و تایبەت د دووماھی یاریا خوە دا ل گەل تیما خوە دەمێ شیاین سەرکەفتنێ ل سەر یانا بایرن میونیخ توماربکەن ب سێ گولان بەرامبەر گولەکێ.
کورێ باژێرێ عامود ئەوێ ل ھێلا ناڤین یاریێ کەت چەندین جاران ئێکەتیا تەپا پێ یا سوری ب فەرمی داخوازی ژی کری یە یاریێ بۆ ھەلبژارتیێ سوریا بکەت لێ یاریکەرێ ناڤبری ئەو چەندە رەتکری یە ژبەرکو ناخوازیت یاریێ نوکە ل ھەلبژارتیەکێ ئاسیا بکەت ئەو چاڤەرێ دەرڤەتەکا باشترە ئەوژی پێکھاتیێ ھەلبژارتیێ ئەلمانیا .
مەحمود ئەوێ ل سالا ١٩٩٦ دایکبووی بووی یە جھێ گرنگیا چەندین یانێن بەرنیاس ل سەر ئاستێ ئورۆپا و ئەلمانیا یانێن دو یانێن تورکی یێن مەزن داخوازی ژی کری یە لێ یاریکەر دخوازیت نوکە ل یانا خوە یاریێ بکەت و یانا وی ژی ئەو داخوازیێن ھەموو یانێن ئورۆپی رەتکری نە دیارکری یە ل ڤی دەمی ئەو دەست بەردانێ ژ ڤی یاریکەری ناکەت.
ھەژی گوتنێ یە یاریکەرێ ناڤبری نوکە ل ھەلبژارتیێ لاوێن ئەلمانیا کەت و بەری نوکە یاری ل ھەلبژارتیێ پێگەھشتێن ئەلمانیا ژی کری یە و بەربژارە بھێتە سەرئێخستن بۆ ھەلبژارتیێ ئولومپی یێ ئەلمانیا
