پاراستنا ئاسايشا نيشتيماني و ئارمانجێن سه‌ره‌كي
پاراستنا ئاسايشا نيشتيماني كاودانه‌كه كو تێدا هه‌ر وه‌لاته‌كێ شيان هه‌بن به‌رژه‌وه‌نديێن خوه و پيرۆزيێن ژين و ژيارێ وه‌كي ئاخێ، گيانێ خه‌لكي،بها و پيروزيێن ئاييني و نيشتيماني و …هتد، ل به‌رامبه‌ري مه‌ترسيێن ناڤخوه‌يي و ده‌ره‌كي بپارێزيت.
- پاراستنا ئاخێ و سه‌رخۆبوونا وه‌لاتي.
- پاراستنا پيرۆزيێن ئايني و نيشتيماني.
- پاراستنا به‌رده‌وامبووناپرۆسا سياسي و ئابووري يا وه‌لاتي
- دابينكرنا خۆشگوزه‌راني و ته‌بايي بۆ ته‌ڤايا خه‌لكي.
- دروستكرنا ئيمناهي و ئاسايشێ بۆ خه‌لكي ل هه‌مبه‌ري مه‌ترسيێن ده‌ره‌كي ئيمناهي و ئاسايشێ چه‌ندين ئاست هه‌نه و ئه‌ڤێن ل خوارێ چه‌ند نموونه‌كن
- ل ده‌مێ كو ئێك ژ قوتابيان د پۆلێ دا نه‌ساخ دبيت، به‌رگيريا له‌شێ وي به‌رامبه‌ري ڤايرۆس و په‌تايێن نه‌خوشيێ لاواز دبيت. (ئاسايشا له‌شي و كه‌سۆكي).
- ل كۆمه‌لگه‌هه‌كا ئاكنجيبوونێ، ئێك ژ ئاكنجيان ژ ده‌ستێ جيرانێ خوه ئارامي و ئاسايش نه‌مايه و ژره‌فتارێن وي يێ په‌ريشان بووي (ئاسايشا خێزاني).
- مه‌ترسيا ئاڤ رابوون و له‌هيا رووباره‌كێ ل ته‌نشت گونده‌كێ خه‌لكێ گوندي دل بترس كريه (ئاسايشا ناوچه‌يي).
- ئاكنجين باژێره‌كێ دبێژن، پيسبوونا هه‌واي، يا بوويه ئه‌گه‌رێ نه‌بوونا ئارامي وته‌ناهيێ (ئاسايشا باژێري).
- ئاكنجيێن هه‌رێمێ ل بن گه‌فێن حوكمه‌تا ناڤه‌ندي و وه‌لاتێن جيران ل گه‌شه‌كێ نه ئارام دا دژين (ئاسايشا نيشتيماني).
- راگه‌هاندنا هه‌رێمێ ئاشكرا دكه‌ت كو ب هێزبوونا تيرۆرستان دێ ئيمناهيا رۆژهه‌لاتا ناڤين هه‌ميێ تێكده‌ت (ئاسايشا ده‌ڤه‌رێ) .
- ل دووڤ راگه‌هاندنا رێكخراوێن نه‌ته‌وه‌يێن ئێكگرتي گه‌رمبوونا ئه‌ردي ئێمناهيا ژيانا مرۆڤاتيێ خستيه د مه‌ترسيێ دا (ئاسايشا جيهاني).
مفا وه‌رگرتن ژ پرتووكا (امادگي دفاعي ) ژ فارسي.
