چوونا شاندێ هه‌رێمێ بۆ به‌غدا دێ كێشا چاره كه‌ت
ئه‌ڤرۆ نيوز، ناجى به‌ده‌ل:
پشتی بورینا هه‌یڤه‌كێ ل سه‌ر ئه‌وى ماوه‌یێ دیاریكری بۆ حوكمه‌تا حه‌یده‌ر عه‌بادی بۆ چاره‌كرنا ئه‌وان ئاریشه‌یێن هه‌لاویستی د ناڤبه‌را حكومه‌تا هه‌ریمێ و به‌غدا دا، چ ديار نينه و ئه‌ندامه‌كێ كورد ل جڤاتا نوونه‌رێن عيراقێ ژى دبينيت كو ب چوونا شاندێ هه‌رێمێ بۆ به‌غدا دێ پرس چاره بن.
سه‌رحان ئه‌حمه‌د سه‌رحان، ئه‌ندامێ جڤاتا نوونه‌رێن عیراقێ بو ئه‌ڤرۆ نیوز گۆت: “ئه‌و ماوه‌یێ هاتیه بۆ حه‌یده‌ر عه‌بادی دیاریكرن و ده‌ربازبوونا هه‌یڤه‌كێ هێشتا چ دیار نه‌بوویه و ئه‌و سوزا وی دای بجهنه‌كریه، به‌لێ ئه‌م هه‌ر ب هيڤى نه”.
زێده‌تر گۆت: “چوونا مه بۆ به‌غدا بڕیاره‌كا سیاسی یه و دڤێت لایه‌نێ سیاسی ل گه‌ل به‌غدا بگه‌هیته رێكه‌فتنه‌كێ و ل ده‌مه‌كێ نێزیك دێ شانده‌كێ هه‌رێمێ گه‌هيته به‌غدا بۆ ئێكلایكرنا ئه‌وان پرسگرێكان”.
سه‌رحانی گۆتژی: “دڤێ حه‌فتیی دا دیار بیت ئه‌گه‌ر حه‌یده‌ر عه‌بادی دێ ل سه‌ر ئه‌وێ رێكا ژ لایێ مالكی هاتیه دانان چیت ئه‌وی ده‌ه‌می دێ مه رێ و هه‌لویست هه‌بن، دێ ل سه‌ر ئه‌ڤێ سوزا مه دای بۆ به‌رژه‌وه‌ندا گشتی پێنگاڤان هاڤێژین”.