به‌لاڤبوونا ڤایرۆسه‌كی مه‌ترسیێ بۆ ژنێن ب دوگیان په‌یدا دكه‌ت
ئه‌ڤرۆ نیوز: ڤه‌ده‌ر ره‌شاڤایی:
ل وه‌لاتێن ئه‌مریكا باشۆر ڤایرۆسه‌ك بناڤێ ڤایرۆسێ (زیكا) به‌لاڤ بوویه كو ل ده‌مێ تۆشی ژنێن دوگیان دبیت زارۆكێن وان ب سه‌ره‌كێ ب شێوه‌كێ نه‌ئاسایی بچیك ڤه و ب نه‌خۆشیێن زكماكی ڤه ژ دایك دبن.
حكومه‌تا به‌رازیلێ راگه‌هاند 4 هزار كه‌س ل وی وه‌لاتی توشی وی ڤایرۆسی بووینه كو پتری 500 ژ وان ژنێن ب دو گیانن.
ل كۆلۆمبیا حكومه‌تێ هۆشداریی دایه ژنان هه‌ول بده‌ن هه‌تا حه‌فت مه‌هێن دی ب دوگیان نه‌كه‌ڤن هه‌تا ئه‌ڤ ڤایرۆسه بهێته كۆنترۆلكرن.
ڤایرۆسێ زیكا ژ جۆره‌كێ پێشییان ب ناڤێ (پێشییا زه‌راتیێ) په‌یدادبیت و ئه‌ڤ جۆرێ پێشییان ژبلی جه‌مسه‌رێ باكۆر ل هه‌می كیشوه‌ران هه‌یه ب تایبه‌ت ل ده‌ڤه‌رێن گه‌رم و خۆلگه‌هی.
