ب وێنه: رێ ل كه‌سێن نه‌نياس بگره وێنێن ته ل سه‌ر ڤايبه‌رى ببينن
ئه‌ڤرۆ نيوز، نيوار محه‌مه‌د سه‌ليم:
ل گه‌ل هاتنا مۆبايلێن ژير و پێشكه‌فتنا ئه‌نترنێتێ هنده‌ك به‌رنامێن گه‌له‌ك پێشكه‌فتى هاتن و ب مه‌ره‌ما وێ چه‌ندێ بوون پتر هه‌ڤنێزيكيێ د ناڤبه‌را كه‌سان دا دروست بكه‌ن و ب رێيا نامه و تله‌فۆن و هه‌تا تله‌فۆنا ڤيديۆ ژى خزمه‌تا كه‌سان بكه‌ن بێى كو پارێ كارتا مۆبايلێ بچيت و ئه‌ڤه ژى ب رێيا ئه‌نترنێتى.
د سه‌ر ڤێ چه‌ندێ را ئه‌ڤ به‌رنامێن هاتينه چێكرن د بێ كێماسى نينن، يان ژى هنده‌ك خزمه‌ت ل دووڤ ساخله‌تێن هنده‌ك وه‌لاتان ناگۆنجن و ب تايبه‌ت ژى Viber كو به‌رده‌وام دكه‌ڤيته به‌ر هێرشێن هاككه‌ران.
سه‌ره‌راى ڤێ چه‌ندێ ژى خزمه‌ته‌ك يا د ڤايبه‌رى دا هه‌يى كو گه‌له‌ك جاران ب خرابى بۆ كه‌سێ ب كارئينه‌ر ڤه ڤه‌دگه‌ريت ئه‌و ژى ئه‌وه ده‌ما كه‌سه‌كێ نه‌نياس ژماره‌كێ ژ ده‌ڤ خوه ل سه‌ر ڤايبه‌رى لێده‌ت، هه‌كه ئه‌و ژماره پشكدارا ڤايبه‌رى بيت و وێنه ل سه‌ر پرۆفايلى هه‌بيت ئێكسه‌ر ديار دبيت و ئه‌ڤه ژى دبيته ئه‌گه‌ر كو گه‌له‌ك جاران ئيزعاج پێ بهێنه كرن.
ل ڤێره دێ ب وێنه رێيه‌كێ به‌رچاڤى هه‌وه كه‌ين كو دشيان دايه ئێدى رێ ل وان كه‌سێن نه‌نياس بگرى كو بچنه سه‌ر ڤايبه‌رێ ته و نه‌خۆشيێ بۆ ته دروست بكه‌ن ب تايبه‌ت بۆ كچان ده‌ما دبينن وێنێ كچه‌كێ يێ ل سه‌ر پرۆفايلى.
ل ده‌سپێكێ ده‌مێ Viber ڤه‌دكه‌ن دێ چنه “Setting اعدادات”
پاشان دێ چنه “Privacy خصوصية”
ل وێرێ دێ نيشانا راست ئانكو هه‌لبژارتنا “Show your photo عرض الصورة الشخصية” نه‌چالاك كه‌ى و ب ڤێ چه‌ندێ ئێدێ كه‌سێن نه‌نياس وێنێ ته ل سه‌ر ڤايبه‌رى نابينن.
