ڤیدیۆ: ل یونان رێزگرتن ل قوربانیێن دەریا ئیجە ھاتە گرتن و ل عیراق و ھەرێمێ ژی ب ڤی رەنگی بوو
ئەڤرۆ نیوز، ھەژار مەعروف:
یاریکەرێن یونانی دلگرانیا خوە بۆ ئەوان کۆچبەرێن ل دەریا ئیجە دا خەندقن دیارکرن و بەری دەستپێکرنا یاریا دناڤبەرا ھەردو یانێن ئایل لاریسا و ئاخارنایکوس یێن پشکدار دخولا پلا دو یا یونان دا یاریکەرێن ھەردو یانا وەکو رێزگرتن بۆ گیانێ ئەوان زاروکان و کۆچبەرێن دبنە قوربانیێن دەریا ئیجە دو دقیقان بێدەنگ مان و ب رێیا خوە یا تایبەت یاریکەرێن ھەردو یانا ل گەل دادڤانێن یاریێ ل نیڤا یاریگەھێ روینشتن.
کارگێریا یانا ئایل لاریسا یا یونانی بۆ رادیویا ئەلکازار یا یونانی دیارکری یە ئەو داخوازی ژ حکومەتا یونان و تورکیا دکەن چارەیەکێ بوو ئەوان کۆچبەران بینن و رێکێ ل ئەوان کەسان بگرن ئەوێن ئەڤان کارا ب کۆچبەران کەن ژبەرکو ئەو یێ ب چاڤێ خوە دبینن رۆژانە ھژمارەکا مەزن یا کۆچبەران بنە قوربانیێن وێ دەریایێ.
ھەژی گوتنێ یە زوربەیا ئەوان قوربانیێن ڤێ دووماھیێ ل دەریایا ئیجە خەلکێ ھەرێما کوردستانێ و عیراقێ بوون رێژەیا ٩٥% موسلمان ژی بوون لێ ئەو کارێ یاریکەرێن یونانی کرین ژلایێ چو یانێن کوردستانی و وەلاتێن عەرەبی ڤە نە ھاتیەکرن.
