زاخۆ سوباھی چاڤەرێ تومارکرنا مێژویەکێ یە دخولا کوردستانێ دا
ئەڤرۆ نیوز:
چاڤەرێ دھێتەکرن سوباھی سێ یاریێن گرنگ ژ خولا فاست لینک یا کوردستانێ یا تەپا پێ بھێتەکرن ژ چارچوڤێ یاریێن کوما ئێکێ و گەرا دووماھیێ .
ل یاریگەھا دەلال باژێرێ زاخۆ دێ یاریەکا چارەنڤێسی ل گەل ھەڤرکا خوە تیما زێرەڤانی کەت کو دڤێ یاریێ دا ھەردو یانا دەلیڤەیا دەربازبوونێ ھەیە لێ دەلیڤەیا یانا زێرەڤانی گەلەک یا کێمە پێدڤی سەرکەفتنێ یە بەرامبەر و ھەردو یانێن ئارارات و شێروانە ل یاریێن خو دا خوسارەت بن لێ بەرامبەر دەلیڤەیا دەربازبوونا زاخۆ گەلەک باشترە پێدڤی ب سەرکەفتنێ یە داکو ئێکسەر دەربازی قوناغا چار گوشا زێرین بیت و ھەردیسان وەسا دھێتە چاڤەرێکرن ھژمارەکا جەماوەرێ باش ل یاریگەھێ ئامادەبیت .
ژلایەکێ دیڤە ل یاریگەھا پیرمام تیما ئارارات دێ مێڤانداریا یانا ھندرین کەت کو تیما ئارارات ژی دڤێ یاریێ دا پێدڤی ب سەرکەفتنێ یە داکو دەربازبوونا خوە مسوگەر بکەت بۆ چار گوشا زێرین لێ ب مەرجەکی تیما زاخۆ وەکھەڤ بیت یان خوسارەت بیت و شێروانە دێ مێڤانداریا یانا ھەولێر کەت و رێیا شێروانە ھەتا رادەکی یا ب زحمەتە ئەوژی پیدڤی ب سەرکەفتنێ یە بەرامبەر ھەردو یانێن زاخۆ و ئارارات د یاریێن خوە دا سەرکەفتنێ تومارنەکەن .
ھەلویستێ کوما ئێکێ بەری یاریێن گەرا حەفتی و دووماھیێ ب ڤی رەنگی یە
ھەولێر ١٩ خال دەربازبوونا خوە بۆ چار گوشا زێرین مسوگەر کر
زاخۆ ١٦ خال
کەرکوک ١٥ خال یاریێن وێ ب دووماھی ھاتن دەلیڤەیا دەربازبوونێ نەمایە
ئارارات ١٤ خال
شێروانە ١٤ خال
زێرەڤانی ١٣ خال
ھندرین ٩ خال مدێ یاریەکا چارەنڤێسی ھەمبەری سولاڤ کەت بۆ دەست نیشانکرنا تیمەکێ بۆ پاشڤەزفرینێ بۆ خولا پلا ئێک
